पटेलामे पुरुष ओ महिला क्लब स्तरीय खुल्ला फुटबल प्रतियोगिता सुरु
पहुरा समाचारदाता
धनगढी, २ कार्तिक । डेवारीके उपलक्ष्यमे आज शुकसे धनगढी उपमहानगरपालिका वडा नम्बर ७ पटेलामे फुटबल प्रतियोगिता सुरु हुइल बा ।
पटेला स्मार्ट क्लबके आयोजामे आज र्कािर्तक २ गतेसे प्रथम पटेला पुरुष तथा महिला क्लब स्तरिय आमन्त्रित खुल्ला फुटबल प्रतियोगिता सुरु हुइल हो ।
एक कार्यक्रमके बिच वडा नम्बर ७ के वडा अध्यक्ष मोति राना प्रतियोगिताके उद्घाटन करल रहिट । कार्यक्रमकके खास पहुनामे प्रतियोगिताके प्रायोजक भागेश्वर कन्ट्रक्सनके माधव प्रसाद भट्ट, प्रतियोगिताके संरक्षक तथा पटेला सामुदायिक वनके अध्यक्ष अर्जुन चौधरी, कैलाली जिल्ला फुटवल संघके महासचिव महेश राज जोशी लगायत रहल रहिट ।
ओस्टके उद्घाटन सत्रके अन्य पहुनामे ज्योति कृषि सहकारी संस्थाके अध्यक्ष सिताराम राना, समाजसेवी भीम पडाल, जखौरबाबा युवा क्लबके अध्यक्ष देव बहादुर सेठी, जिल्ला तेक्वाण्डो संघके धनबहादुर चौधरी, संजिवनी अस्पताल प्रालिके सुमन चौधरी, देवरिया सामुदायिक वन उपभोक्ता समूहके खगेन्द्र राना, सिद्धनाथ सामुदायिक वनका पूर्व अध्यक्ष कुबेर बहादुर थापा, देवरिया गौशालाके सचिव सिद्धराज बडु लगायत रहल रहिट ।
कार्यक्रममे क्लबके अध्यक्ष अनन्त चौधरीके अध्यक्षतामे हुइल रहे कलेसे उपाध्यक्ष निरन्जन चौधरी स्वागत मन्तब्य राखल रहिट । कार्तिक १० गतेसम सञ्चालन हुइना प्रतियोगिताके लाग पुरुष ओर १४ टीम ओे महिला ओर ८ टीमके सहभागिता रहल बा ।
प्रतियोगिताके पुरस्कारहमे पुरुष ओर प्रथम पुरस्कार रु. ६० हजार, द्धितिय रु. ३० हजार ओ सान्त्वना पुरस्कार रु. १० हजार रहल बा । ओस्टके महिला ओर प्रथम हुउइया टीमहे रु. २५ हजार, द्धितियहे रु. १५ हजार रहल आयोजक क्बल जनैले बा ।
इहे बिच उद्घाटन खेल मनकामना युवा क्लब ओ धनगढी यूथ एलायन्स क्लब बिच हुइल रहे । प्रतियोगितामे धनगढी यूथ एलायन्स क्लब मनकामनाहे १ के विरुद्ध २ गोल कैके विजयी हुइल रहे । क्लबके किरण बोहरा ओ मनोज चौधरी १/१ गोल करल रहिट कलेसे मनकामनाके रोशन सिंह १ गोल फर्काल रहिट । प्रतियोगितामे प्लेयर अफ द म्याच मनोज चौधरी हुइल रहिट ।
