सार्वजनिक भाषण सम्बन्धी ४ दिने तालिम सुरु

पहुरा समाचारदाता
धनगढी, ७ कार्तिक । जागृति फाउण्डेशनके आयोजनामे बुधके रोजसे धनगढीमे सार्वजनिक भाषण सम्बन्धी चार दिने तालिम सुरु हुइल बा ।

जागृति फाउन्डेसनके अध्यक्ष सुमन भट्ट पनेरुके अध्यक्षतामे सुरु हुइल चार दिने तालिम उदघाटन कार्यक्रममे प्रमुख अतिथि त्रिभुवन विश्वविद्यालयके सहायक प्रोफेसर डा. राजन विनायक पासा रहल रहिट । यिहे कार्तिक ७ से १० गतेसम संचालन हुइना तालिममे प्रमुख प्रशिक्षण दुर्गाराज पाण्डे सहजीकरण करटी रहल बटै ।

कार्यक्रम संचालन जागृति फाउण्डेशनके कार्यक्रम निर्देशक रोशन श्रेष्ठ करले रहिट । तालिममे १० जाने महिला १ ओ ८ जाने पुरुष करके १८ जानेक सहभागिता रहल बा ।