एकल महिला समुहके स्थानीय लिडरहे क्षमता अभिवृद्धि तालिम

पहुरा समाचारदाता
हसुलिया, ७ कार्तिक । सीमान्तकृत महिलाहुकनके समस्या, स्थानीय तहमे पहँुच आत्मनिर्भर तथा क्षमता अभिवृद्धि ओ सकारात्मक रुपान्तरण सम्बन्धी एकल महिला समुहके स्थानीय लिडरहुकनके लाग कैलारी गाउँपालिकाके हसुलियामे तीन दिने तालिम सुरु हुइल बा ।

कुर्वे वुष्ट्रोके सहयोगमे मानव अधिकारका लागि महिला एकल महिला समुह सुदूरपश्चिम प्रदेशके आयोजना तथा कैलारी गाउँपालिकाके समन्वयमे स्थानीय लोकल लिडर तथा एकल महिला समुह कार्यसमितिके पदाधिकारीहे बुधसे तीन दिने अभिमुखीकरण तालिम सुरु हुइल हो ।

मानव अधिकारके लागि महिला एकल महिला समुह सुदूरपश्चिम प्रदेश अध्यक्ष सुमन शर्माके अध्यक्षतामे हुइल उदघाटन कार्यक्रममे कैलारी गाउँपालिकाके सामाजिक विकास समितिके संयोजक तथा वडा नम्बर ३ के वडा अध्यक्ष सन्तराम चौधरी प्रमुख अतिथि रहिट । कार्यक्रममे सम्बोधन करटी उहाँ अब्बेफे एकल महिलाहुकनहे समाजमे खुलके अपन समस्या राखे सेक्ना अवस्था नैरहल बटैलै ।

एकल महिलाहुकनहे समाजसे हेर्ना दृष्टि फरक बा,’ उहाँले कहलै, ‘घरसे कहु गैलबेला अबेर घर आइबेर, कुहीसे बोल्लेसे समाजमे ओकर बारेमे बाट कटना करजाइठ ।’
समाजमे एकल महिलाहुकनके संख्या ढेर रहल ओरसे सक्कु जनहनहे एकजुट कराके उहाँहुकनके समस्या बाहेर अइलेसे स्थानीय तहसे कुछ योजना बनैना सजहुल हुइना बटैलै ।

कैलारी गाउँपालिकाके सामाजिक विकास शाखा प्रमुख यगम कलेल एकल महिलाहुकनके समस्या का बा, काल्हके एकल महिला ओ आजकाल्हके एकल महिलामे ढेर सहज हुइल बटैलै । उहाँ कहलै, अभिनफे समन्वय, सहर्कायके आवश्यकता बा ।
कैलारी गाउँपालिका महिला शाखा प्रमुख बालकुमारी चौधरी आब आशनभाषण नाही काम करेपर्ना जरुरी बा । अपने केल समक्ष हुके नैहुइना एक ठो समाजमे नेतृत्व कैना जरुरी बा,’ उहाँ कहलै, ‘एकल महिला अभिन खुलके आई परल । गाउँपालिकामे रहल एकल महिलाहुकनके अवस्थाबारे अनुदान कैना जरुरी बा ।

कार्यक्रमके अध्यक्ष तथा महिला मानव अधिकारका लागि महिला एकल महिला समुह प्रदेश अध्यक्ष सुमन शर्मा एकल महिला सक्कु एक मेरके समस्या नैरहल बटैली । उहाँ हरेकके समस्याहे विभाजन करके काम करटी रहल बटैली । कार्यक्रमके संचालन महिला मानव अधिकारका लागि महिला एकल महिला समुहका शान्ति परियोजनाके परियोजना संयोजक वेद अवस्थी ओ स्वागत मन्तन्य जिल्ला अध्यक्ष भगवती हमाल करल रहिट । तीन दिने तालिमके प्रमुख प्रशिक्षक मानव अधिकारका लागि महिला एकल महिला समुहका सल्लाहकार गोमा आचार्य रहल रहिट ।

ओस्टेक करके कैलारी गाउँपालिकाके सामाजिक विकास शाखा प्रमुख यमम कलेल, महिला तथा बालबालिका शाखाके प्रमुख बालकुमारी चौधरीफे सहजीकरण करटी रहल बटी । तालिममे कैलारी गाउँपालिकामे रहल नौ वडाके एकल महिलाहुकनके सहभागिता रहल बा ।