अवैध भन्सार छलिके सामान बरामद
पहुरा समाचारदाता
धनगढी, ७ कार्तिक । कैलालीलगागत टमान जिल्लामे प्रहरी अवैध भन्सार छलिके सामान बरामद करले बा ।
कैलालीके धनगढी उ.म.न.पा.२ फनपार्क लग्गे, वडा नम्बर ४ पुरान भन्सार रोड, वडा नम्बर १० जुगेडा, वडा नम्बर १९ बहुलियाघाट, भजनी न.पा.३ पिरनी, टीकापुर न.पा.८ श्रीलंका, वडा नम्बर ९ बालुवा स्थित सडकखण्डर गौरीगंगा न.पा.४ राजीपुरसे अवैंध रुपमे भारतसे भन्सार छलि करके ल्यानल रु.४ लाख ३४ हजार ९२८ बराबरके प्याज, चिनी, सुर्ती, मसला, मोवाईलके ग्लास, मोवाईलके कभर, मोबाईलके डिस्प्ले, प्लास्टिकके भाडा, स्टिलके कप, कचौरा, चिया छान्नी , ग्याँस चुलो, पानी तन्ना मोटर, बोइलर मुरगी, मोटरसाइकल थान–१ लगायतके सामान जिल्ला प्रहरी कार्यालय कैलाली तथा मातहत कार्यालयसे खटल प्रहरी गस्ती टोलीसे बेबारिसे अवस्थामे फेला पारके नियन्त्रणमे लेहल बा ।
ओस्टेक कञ्चनपुर जिल्लाके टमान ठाउँ भीमदत्त न.पा.१० भन्सार कार्यालय लग्गे, वडा नम्बर १७ मझगाउ, साईबा, दोधारा चाँदनी न.पा.६ संगम चोकर पुनर्वासन.पा.४ कार्गिलडाडासे अवैंध रुपमे भारतसे भन्सार छलि करके ल्यानल रु.८९ हजार ५१० बराबरके प्याज, चिनी, गुड, सुटपिस, पटाका, आलु, मटर, किराना लगायतके सामान जिल्ला प्रहरी कार्यालय कञ्चनपुर मातहत कार्यालयसे खटल प्रहरी गस्ती टोलीसे फेला पारके नियन्त्रणमे लेहल बा ।
ओस्टेक करके बैतडीके दशरथचन्द न.पा.१० अदर पिण्डसे अवैंध रुपमे भारतसे भन्सार छलि करके ल्यानल रु.३२ हजार १२५ बराबरके चिनी, मिस्री, गुड, खानेतेल, चना, जिरा, बिडी, बेशन, मिठाई लगायतके सामान जिल्ला प्रहरी कार्यालय बैतडीसे खटल प्रहरी गस्ती टोलीसे नियन्त्रणमे लेले बा ।
ओस्टेक करके दार्चुलाके टमान ठाउँ महाकाली न.पा.४ बसपार्क ओ मालिकार्जुन गा.पा.१ मेलखेतसे अवैंध रुपममे भारतसे भन्सार छलि करके ल्यानल मूल्य रु.४० हजार ६९५।– बराबरके चिनी, मिश्री, खानेतेल, बिस्कुट, मिठाई, बिडीलगायतके सामान जिल्ला प्रहरी कार्यालय दार्चुला ओ प्रहरी चौकी दत्तु, दार्चुलासे खटल प्रहरी गस्ती टोलीसे बेबारिसे अवस्थामे फेला पारके नियन्त्रणमे लेहल बा ।
