फरार प्रतिवादी पक्राउ

पहुरा समाचारदाता
धनगढी, ७ कार्तिक । प्रहरीसे कैलाली ओ कञ्चनपुरसे फरार तीन प्रतिवादीहे पक्राउ करले बा ।

फैसला कार्यान्वयनके सिलसिलामे जिल्ला अदालत कञ्चनपुरके टमान मितिके फैसलासे कैद सजाय तथा जरिवाना ठहर हुके फरार रहल दुई जनहनहे जिल्ला प्रहरी कार्यालय कञ्चनपुर तथा मातहत कार्यालयसे खटल प्रहरी टोली पक्राउ करल हो । पक्राउ परलमे लागु औषध मुद्दामे २ महिना कैद सजाय तोकल जिल्ला कञ्चनपुर, भीमदत्त न.पा.४ बजार बैठना ३० के संजय थापा ओ वन सम्बन्धी कसुर मुद्दामे १७ दिन कैद सजाय ओ रु.९ हजार ५२८ जरिवाना तोकल भीमदत्त न.पा.९ सिद्धनाथ टोल बैठना वर्ष २५ के लोकेन्द चन्द रहल बटै ।

ओस्टेक करके फैसला कार्यान्वयनके सिलसिलामे जिल्ला अदालत कैलालीके फैसलासे चोरी मुद्दामे ७ दिन कैद सजाय ओ रु.१० हजार जरिवाना तोकल धनगढी उ.म.न.पा.१३ कैलाली गाँउ बैठना बर्ष २४ के बिक्रम रानाहे जिल्ला प्रहरी कार्यालय कैलालीसे खटल प्रहरी टोलीसे हुकाने घर ठेगानासे पक्राउ करल हो ।