उपमहानगरपालिकासे खोलानालाके अतिक्रमण हटैना

पहुरा समाचारदाता
धनगढी, ७ कार्तिक । धनगढी उपमहानगरपालिसे खोलानालाके अतिक्रमण हटैना सूचना जारी करले बा ।

खोलानाला अतिक्रमण करके निर्माण करल भौतिक संरचना खाली कैना सूचना जारी कैगिल बा । खोलानालाके अधिकार क्षेत्र अतिक्रमण करके पानीके बहाव रोक्ना करके निर्माण करल भौतिक संरचाना हटैना कहटी उपमहानगरपालिकासे सूचना जारी करल हो ।

पानीके प्राकृतिक बहाव यथावत कायम रख्न ओ खोलानाला किनारके सार्वजनिक जग्गामे हरियाली विकास कैना, सडक तथा फुटपाथ निर्माण कैना, खोलाके अधिकार क्षेत्र तथा सेटब्याक रेखांकन कैना कामसमेत कैना उपमहानगरपालिकासे जारी करल सूचनामे उल्लेख करल बा ।

धनगढी उपमहानगरपालिकासे खोलाके अधिकार क्षेत्र तथा सेटब्याक खाली कैना वडा नम्बर १, २, ३, ४, ५, ६, ७, ८ ओ १३ के प्राकृति खोलानालामे निर्माण करल भौतिक संरचना कार्तिक मसान्तसम खाली कैना सूचना जारी करल हो ।

उपमहानगरपालिकासे खोलानालाके अधिकार क्षेत्र ओ सेटब्याक खाली कैना काम नैकरलेसे स्थानीय सरकार सञ्चालन ऐन, २०७४ तथा प्रचलित ऐन कानुन बमोजिम कारबाही कैना समेत चेतावनी डेहल बा ।