कञ्चनपुरमे दम्पती मृत भेटलैं

पहुरा समाचारदाता
धनगढी, ९ कार्तिक । कञ्चनपुरमे गोसिया–गोसिनीया मृत अवस्थामे भेटल बटै । लालझाँडी गाउँपालिका–१ के ४५ वर्षीय रमेश बडायक ओ उहाँक ४१ वर्षीया गोसिनीया कमला शुकके सकारे मृत भेटल प्रहरी जनैले बा ।

जिल्ला प्रहरी कार्यालयके निमित्त प्रमुख प्रहरी नायब उपरीक्षक (डीएसपी) उमेश जोशी ओइने दुनु जाने शुकके सकारे अपने घरके आँगनमे मृत फेला परल जानकारी डेलै ।

शरीरमे धरियार हतियार प्रहार हुइल डेखल ओरसे हत्याके आशंका करल बा । अनुसन्धानके लाग प्रदेश प्रहरी कार्यालय धनगढीसे तालिम प्राप्त कुकुरसहितके टोलीफे लालझाँडीस्थित घटनास्थल पुगल बा ।