वैंक तथा वित्तीय संस्था नाफासंगे सामाजिक उत्तरदायित्व बहना कैना जरुरी बाः गापा उपाध्यक्ष
पहुरा समाचारदाता
हसुलिया, १३ कार्तिक । बैक, वित्त, सहकारी क्लव (विएफसी क्लव)के आयोजनामे शुभकामना अदानप्रसान कार्यक्रम कैगिल बा ।
कैलारी गाउँपालिका उपाध्यक्ष भगवती कुमारी चौधरीके वरका पहुनामे हुइल कार्यक्रममे उहाँ ग्रामीण स्तरमे बैंक, वित्तीय सस्था ओ सहकारीके स्थापना हुइपाछे कृषक, महिला, व्यवसायीहुकनहे भारी सहयोग मिलल बटैली ।
उहाँ कहली,‘पहिले ग्रामीण गाउँठाउँ बैंक, वित्त संस्था, सहकारी स्थापना नैहुइलपाछे लोन लेना समस्या रहे । जेकर पैसा रहे कलेसे घर सुरक्षित नैहुके चोरीके घटना होए अब्बे पैसाहे सुरक्षित धरना ओ लोन लेना सहजुल हुइल बा ।’
अब्बे महिला डिडी बाबुहुक्रे लोन लेके व्यवसाय करके आर्थिक स्रोत बह्रैना सहजुल हुइल उहाँ बटैली । ओस्टेक करके उहाँ बैंक, वित्तीय संस्था ओ सहकारीहे सामाजिक उत्तरदायित्व बहन कैना मेरिक कार्यक्रम कैना उहाँ आग्रह करली ।
कार्यक्रम बैक, वित्त, सहकारी क्लव (विएफसी क्लव)के अध्यक्ष युवराज जोशीके अध्यक्षतामे हुइल कार्यक्रममे स्वागत मन्तव्य वरिष्ठ उपाध्यक्ष जगतबहादुर बोहरा ओ संचालन निर्मल रैका करल रहिट ।
