कांग्रेस कैलालीके संयुक्त बैठक कैलारीमे हुइल
पहुरा समाचारदाता
धनगढी, २५ कार्तिक । गणेशमान जन्मजयन्ती, सुवर्ण शमशेर स्मृति दिवस एंव कैलाली कांग्रेस जिल्ला कार्यसमितिके संयुक्त बैठक कैलारी गाउँपालिका वडा नम्बर ३ कालिमाइ मन्दिरमे हुइल बा ।
नेपाली काँग्रेस कैलालीके सभापति माननीन नारायण दत्त भट्टके अध्यक्षतामे हुइल बैठकमे प्रमुख अतिथि केन्द्रीय सदस्य योगेन्द्र चौधरी रहल रहिट । बैठकमे विशिष्ट अतिथि केन्द्रीय सदस्य नृप बहमदुर ओड माननीय नारायण दत्त मिश्र, प्रदेश महामन्त्री नरनारायण शाह, राज्यमन्त्री प्रकाश बहमदुर बम, प्रदेश कोषाध्यक्ष उत्तम कठायत, माननीय तुल्सी देबकोटा, रक्षा महरा, पुर्व माननीय राज्य मन्त्री टेकबहादुर रैका रहल रहिट ।
ओस्टेक करके सुदूरपश्चिम प्रदेश समितिके सदस्य तथा कैलारी गाउँपालिका अध्यक्ष राजसमझ चौधरी, पार्टीके महासमिति सदस्यहुक्रे, महाअिबेशन प्रतिनिधिहुक्रे , जिल्ला कार्यसमिति पदाधिकारी सदस्यहुक्रे, क्षेत्रीय सभापति, जनप्रतिनिधि लगायतके नेता कार्यकर्ताहुकनके उपस्थिति रहे ।
कार्यक्रममे शुभकामना मन्तव्य प्रमुख अतिथ योगेन्द्र चौधरी ओ माननीय नारायण दत्त मिश्र राखल रहिट । बैठकसे सयदिने अभियान सब्य भब्य रुपमे संगठनहे एकताबद्ध ओ सुदृढीकरणके साथ सम्पन्न कैना यी जिल्लाके महासमिति सदस्य महाधिवेशन प्रतिनिधि जिल्ला पदाधिकारी ओ सदस्यहुकनहे समेत खटैना निर्णय करटी बैठक सम्पन्न हुइल बा । बैठकके संचालन ओ सहजीकरण सचिव केशब मिश्र ओ नृप सुनार करल रहिट कलेसे स्वागत मन्तव्य उपसभापति खेम चौधरी व्यक्त करल रहिट ।
