लागु औषधसहित पाँच जाने पक्राउ
पहुरा समाचारदाता
धनगढी, २५ कार्तिक । पाँच ग्राम ९९० मिलिग्राम खैरो हेरोईन ओ १ ग्राम ५६० मिलिग्राम चरेश सहित ५ जाने पक्राउ परल बटै ।
जिल्ला प्रहरी कार्यालयसे खटके गैल प्रहरी टोली कैलाली धनगढी उप–महानगरपालिका वडा नं. ०२ रामजानकी मन्दिर लग्गेसे धनगढी उप–महानगरपालिका वडा नं. ०२ बैठना वर्ष २३ के रोशन खड्का, वडा नम्बर ३ बैठना वर्ष १६ के देव शर्मा ओ वर्ष २१ के अमित शर्माहे पक्राउ करल हो । शंका लागके चेकजाँच करेबेर ओइन थेनसे शुद्ध तौल १५० मिलिग्राम लागु औषध (खैरो हिरोईन), १ ग्राम ५६० मिलिग्राम चरेश ओ से ५ प ४१२६ नं. के मोटरसाइकल समेत फेला पारल बा ।
ओस्टेक ककरके कैलाली धनगढी उप–महानगरपालिका वडा नं. ०३ भन्सार लग्गेसे जिल्ला प्रहरी कार्यालय कैलाली ओ मातहत प्रहरी चौकी त्रिनगरसे खटके गैल प्रहरी टोली जिल्ला कैलाली धनगढी उप–महानगरपालिका वडा नं. १३ बैठना वर्ष १९ के निरज राना ओ वर्ष २१ सुनिल राना सवार रहल से ७ प ६३५९ नम्बरके मोटरसाइकलहे शंका लागके चेकजाँच करेबेर उहे मोटरसाइकलके आघेक हेडलाटईके भागमे लुकाई छिपाई धारल शुद्ध तौल ५ ग्राम ८४० मिलिग्राम लागु औषध (खैरो हेरोईन) ओ से ७ प ६३५९ नम्बरके मोटरसाइकल करके जम्मा ५ ग्राम ९९० मिलिग्राम लागु औषध (खैरो हेरोईन), १ ग्राम ५६० मिलग्राम चरेश ओ मोटरसाइकल थान–२ फेला पारके बरामद करके पाँचु जनहनहे नियन्त्रणमे लेके आवश्यक कारवाहीके लाग यी कार्यालयके हिरासत धारके थप अनुसन्धान कार्य हुइटी बा ।
