संघ सरकारसे अधिकारहे बिकेन्द्रीकृत करे परलः मुख्यमन्त्री शाह
पहुरा समाचारदाता
कैलाली ११, चैत्र । सुदुरपश्चिम प्रदेशके मुख्यमन्त्री कमलबहादुर शाह भूमी सम्बन्धी अधिकार प्रदेश सरकारहे डेलेसे तीन वर्षभिटर समस्या समाधान कैना ठोकुवा करले बटै ।
मंगरके रोज भूमि समस्या सामाधान आयोग कैलालीसे धनगढीमे आयोजना करल भूमि समस्या सामाधान आयोगके कामसँग सम्बन्धित विषयमे स्थानीय तहके पदाधिकारीहुकनके लाग अभिमुखीकरण तथा अन्तरिक्रया कार्यक्रममे बोल्टी उहाँ उ बाट कहल रहिट ।
“प्रदेशहे अधिकार प्राप्त हुइना हो, कलेसे यी प्रदेशके भूमी सम्बन्धी समस्या तीन वर्ष भिटर समाधान हुई”मुख्यमन्त्री कहलै, “एक्केठाउँमे अधिकार हुइल कारण समस्या हुइल हो । संघ सरकारसे अधिकारहे बिकेन्द्रीकृत कैना जरुरी बा ।”
कार्यक्रमके प्रमुख अतिथी समेत रहल मुख्यमन्त्री शाह कहलै संघीय ऐनके बाट बा । प्रदेश ऐनके बाट बा । यी सक्कुके बीच प्रदेश सरकार सदाके लाग यी समस्या समाधान करे परी कना हिसाबमे लागल बा ।
