कैलारीमे सञ्चालित परियोजनाके गतिविधिबारे अन्तरक्रिया तथा छलफल

पहुरा समाचारदाता
हसुलिया, १३ चैत । मुक्तकमैया महिला विकास मञ्चसे कैलारी गाउँपालिकामे सञ्चाचिल दुई ठो परियोजनाके सल्लाहकार समितिके बैठक बुधके रोज हसुलियामे सम्पन्न हुइल बा ।

मञ्चसे कैलारी गाउँपालिकामे सञ्चालित समुदाय सशक्तिकरण तथा स्थानीय पहल परियोजना ओ सहकार्य परियोजनाके परियोजना सल्लाहकार समितिके बैठक सम्पन्न हुइल हो ।

मञ्चके अध्यक्ष सीमा चौधरीके अध्यक्षतामे हुइल कार्यक्रम कैलारी गाउँपालिका अध्यक्ष राजसमझ चौधरीके प्रमुख आतिथ्यतामे हुइल रहे । समुदाय सशक्तिकरण तथा स्थानीय पहल परियोजनाके प्रस्तुीकरण परियोजना अधिकृत चेतमान साउद ओ कैलाली कञ्चनपुर जिल्लाका मुक्तकमैयाहरुको सामाजिक आर्थिक अधिकार प्रवद्र्धनका लागि साझेदारी (सहकार्य) परियोजनाके प्रस्तुतीकरण परियोजना संयोजक इन्द्रजित चौधरी करल रहिट । कार्यक्रममे परियोजनासे सन २०२४ मे कैगिल गतिविधि ओ सन २०२५ मे कैजिना कार्यक्रमके सल्लाह ओ सुझाव संकलन कैगिल बा ।

कार्यक्रममे परियोजनाके गतिविधिसंगे लक्षित समुदायहे आर्थिक रुपमे शसक्त बनाइक लाग सक्कु जानेक भुमिका अहम रना गाउँपालिका अध्यक्ष राजसमझ चौधरी बटैलै । उहाँ मुक्तकमैया, कमलरी कार्यविधि बनाके आघे बह्रेपर्ना जरुरी रहल बटैलै ।
कार्यक्रममे वडाहु्क्रे, टमान शाखामे प्रमुखफे परियोजनाके गतिविधिहे मजा बनैना सल्लाह ओ सुझाव डेहल रहिट ।

उ परियोजना कैलारी गाउँपालिकाके सहकार्यमे एलडब्लुएफ÷ एफसिएके आर्थिक सहयोगमे मुक्त कमैया महिला विकास मञ्च धनगढी कैलालीसे संचालन करटी आइल बा ।