चैत ३० गतेसे सिनियर टी–२० क्रिकेट प्रतियोगिता हुइना

पहुरा समाचारदाता
धनगढी, २१ चैत । यिहे चैत ३० गतेसे धनगढीस्थित फाप्ला क्रिकेत मैदानमे टिम ११ संस्कार क्रिकेट लित सिनियर टी–२० क्रिकेट प्रतियोगिता हुइना हुइल बा । बिफेक रोज पत्रकार सम्मेलन कैके उ प्रतियोगिता हुइना आयोजक जानकारी करैले बा ।

गोदावरी–८, स्याउलेस्थित संस्कार विद्याश्रम मन्टेश्वरी स्कूलके आयोजनामे हुइना क्रिकेट प्रतियोगितामे १३ टिमके सहभागी रना आयोजकके अध्यक्ष रामचन्द्र शाही जानकारी करैलैं ।

प्रतियोगितामे पहिल हुइनाहे १ लाख ११ हजार १ सय ११ रुप्या नगदसहित ट्रफी ओ द्वितीय हुइनाहे ५५ हजार ५ सय ५५ रुप्या नगदसहित ट्रफी डेना आयोजक जनैले बा । अस्टेक, सर्वोत्कृष्ट खेलाडीहे ५ हजार ५ सय ५५ ओ वेष्ट बलर, वेष्ट ब्याटर, राइजिङ प्लयरहे जनही ३ हजार ५ सय ५५ रुप्या ओ प्लेयर अफ द म्याचहे १ हजार रुप्या नगद पुरस्कार डेना आयोजक जनैले बा ।

उ अवसरमे ट्रफी सार्वजनिक फेन कैगिल रहे । टिक ११ काठमाडौं, मुख्य प्रयोजक रहल प्रतियोगिता बैशाख ७ गतेसा सञ्चालन हुइ ।