एक्के दिनमे १३ जाने पक्राउ
पहुरा समाचारदाता
धनगढी, २७ चैत । कैलालीके अलग–अलग ठाउँसे ५ ग्राम ६६० मिलिग्राम खैरो हेरोईन ओ ७२ ट्याब्लेट प्रतिबन्धित औषधी सहित १२ जाने युवा पक्राउ परल बटै ।
कैलाली घोडाघोडी न.पा. ०१ सुखड स्थित गौरभ आचार्यके घरमे लागु औषध सेवन करटै कना गोप्य सूचनाके आधारमे ईलाका प्रहरी कार्यालय सुखडसे खटके गैल प्रहरी टोलीसे जिल्ला कैलाली घोडाघोडी न.पा. वडा नं. ०१ बैठना बर्ष २५ के गौरभ आचार्य, बर्ष ३४ के सुरेन्द्र श्रेष्ठ, बर्ष २२ के भीम बोहराहे खान तलासी करेबेर ओइनठेनसे ३ ग्राम ५८० मिलिग्राम लागु औषध(खैरो हेरोईन)सहित पक्राउ कैगिल हो ।
जिल्ला कैलाली टिकापुर न.पा. वडा नं. ०९ खक्रौला चेक पोष्टलग्गेसे ई.प्र.का. टिकापुरसे खटके गैल प्रहरी टोली टिकापुर न.पा. वडा नं. ०१ एकतानगर शिविर बैठना बर्ष १८ के सन्तोष बि.क. ओ बर्ष २३ के बन्दना बिकहे १ ग्राम ४२० मिलिग्राम लागु औषध(खेरो हेरोईन)सहित पक्राउ करल हो ।
ओस्टे जिल्ला कैलाली धनगढी उप–महानगरपालिका स्थित बङ्ग्राकटान ओ त्रिनगर भन्सार लग्गेसे यी कार्यालयके अपराध अनुसन्धान समुहसे खटके गैल प्रहरी टोली जिल्ला कैलाली धनगढी उप–महानगरपालिका वडा नं. ०६ बैठना बर्ष २२ के विवेक राना, वडा ७ बैठना बर्ष १८ के आकाश राना, वडा नम्बर ९ बैठना बर्ष २२ के भीम सुनार, बर्ष २६ के दिनेश बोहरा, बर्ष २५ के विशाल बोहराहे ६६० मिलिग्राम लागु औषध(खैरो हेरोईन)सहित पक्राउ करल जिल्ला प्रहरी कार्यालय कैलाली जनैले बा ।
कैलालीके धनगढी उप–महानगरपालिका वडा नं. १९ ललिपुरघाट स्थित ईलाका प्रहरी कार्यालय बहुलिया ओ लागुऔषध नियन्त्रण ब्युरो शाखा कार्यालय धनगढीसे खटके गैलके संयुक्त प्रहरी टोली वडा नम्बर १२ बैठना बर्ष २८ के रोहित बोगटी, वडा नम्बर ८ बैठना बर्ष २२ के लोकेन्द्र खड्काहे ७२ ट्याब्लेट प्रतिबन्धित औषधी करके जम्मा ५ ग्राम ६६० मिलिग्राम लागु औषध(खैरो हेरोईन) ओ ७२ ट्याब्लेट प्रतिबन्धित औषधी फेला पारके १२ जनहनहे पक्राउ करल हो । पक्राउ परलहुकनके बारे ठप अनुुसन्धान हुइटी रहल बा ।
ओस्टे कञ्चनपुरके भीमदत्त.न.पा.वडा न.११ गड्डाचौकी स्थित भारतके सिमानाकासे नेपालओर अइटी रहल जिल्ला बैतडी पुर्चौडी न.पा.वडा न.०७ कोटीला बैठना वर्ष २८ के उत्तम बिष्टहे लागुऔषध नियन्त्रण ब्युरो शाखा कार्यालय कञ्चनपुर, ने.प्र.प्र.का.महेन्द्रनगर कञ्चनपुर ओ इ.प्र.का. गड्डाचौकी कञ्चनपुरसे खटल प्रहरी टोली शंका लागके चेक जाँच करेबेर हुकानठेनसे १.८८ ग्राम लागु औषध खैरो हेरोईनसहित पक्राउ करल हो ।
ओस्टेक करके चैत २५ गतेसे ३ ग्राम ७६० मिलिग्राम लागु औषध (खैरो हेरोईन) सहित ४ जना पक्राउ परल रहिट ।
रातके समयमे जिल्ला कैलाली धनगढी उप–महानगरपालिका वडा नं. ०३ चटकपुर स्थित एन एस होटलमे लागु औषध कारोबार हुइटी रहल बा कना गोप्य सूचनाके आधारमे जिल्ला प्रहरी कार्यालय कैलालीके अपराध अनुसन्धान समुह ओ अस्थायी प्रहरी पोष्ट चटकपुरसे खटके गैल संयुक्त प्रहरी टोल उहे होटलमे बैठल चारु जनहनहे पक्राउ करल रहे । पक्राउ परलमे जिल्ला कञ्चनपुर बेदकोट नगरपालिका वडा नं. ०८ बैठना बर्ष २० के सुरेश बिष्ट, कञ्चनपुरके भीमदत्त नगरपालिका वडा नं. १० बैठना बर्ष २३ के लोकेन्द्र चन्द, डोटीके दिपायल सिलगढी नगरपालिका वडा नं. ०८ बैठना बर्ष १९ के रिजन कठायत ओ कैलालीके धनगढी उप–महानगरपालिका वडा नं. ०३ मिलन चोक बैठना बर्ष १८ के आशिका सिजापती रहल बटै ।
ओइनहे शंका लागके चेकजाँच करेबेर ओइन थेनसे ३ ग्राम ७६० मिलिग्राम लागु औषध (खैरो हेरोईन) फेला पारल रहे । चारु जनहनहे नियन्त्रण लेके आवश्यक कारवाही लाग जिल्ला प्रहरी कार्यालयके हिरासतमे धारके थप अनुसन्धान कार्य हुइटी रहल बा ।
