फारवेष्टके प्रधानाध्यापकमे जोशी नियुक्त

पहुरा समाचारदाता
धनगढी, २८ चैत । धनगढी उपमहानगरपालिका–५, लब्लीचोकमे रहल फारवेष्ट माध्यमिक विद्यालयके प्रधानाध्यापकमे प्रेमराज जोशी नियुक्त हुइल बटैं । उहाँहे बिफके रोज विद्यालय व्यवस्थापन समिति प्रधानाध्यापकमे नियुक्त करल हो ।

अंग्रेजीमे एमए एमफिल करल जोशी लम्मा समयसे शिक्षण पेशामे आवद्ध रहल बटैं । २०५६ सालसे कैलाली विद्या निकेतनसे अध्यापन सुरु करल जोशी कैलाली बहुमुखी क्याम्पस, ग्यालेक्सी मल्टिपल कलेज, कोविदा इन्टरनेश्नल एकेडेमीमे प्राध्यापकके रुपमे कार्यरत रहैं ।

जोशी यीआघे सुदूरपश्चिमाञ्चल क्याम्पस, नेपाल वेष्टर्न एकेडेमी, नाष्ट कलेजमे समेत अध्यापन करैले रहैं । लम्मा समयसे अध्यापन पेशामे रहल जोशी फारवेष्ट माध्यमिक विद्यालयके प्रधानाध्यापकके रुपमे नियुक्त हुइलपाछे शैक्षिक गुणस्तर कायम करना थप बल पुग्ना विश्वास लेहल बा ।