फरार चार प्रतिवादी पक्राउ
पहुरा समाचारदाता
धनगढी, ४ बैशाख । कैलाली ओ कञ्चनपुरसे फरार चार जाने प्रतिवादी पक्राउ परल बटै ।
फैसला कार्यान्वयनके सिलसिलामे सम्मानित जिल्ला अदालत कैलालीसे चेक अनादर मुद्दामे जरिवाना तोक्के फरार रहल धनगढी उप–महानगरपालिका ४ बस्ने बर्ष५० को नैन अहमद पक्राउ परल बटै ।
रु. एक हजार जरिवाना तोक्के फरार प्रतिबादी अहमदहे बैशाख ३ गते दुई बजे धनगढी उप–महानगरपालिका –१ रातोपुलसे वडा प्रहरी कार्यालय धनगढीसे खटल प्रहरी टोली नियन्त्रणमे लेके अदालमे पेश करल हो ।
ओस्टे फैसला कार्यान्वयनके सिलसिलामे जिल्ला अदालत कञ्चनपुरसे लागु औषध खैरो हिरोईन मुद्दामे ९ महिना १२ दिन कैद सजाय तोक्के फरार प्रतिवादी जिल्ला कञ्चनपुर बेलौरी नगरपालिका – ६ दुम्ली बैठना बर्ष ३६ के उमेश बिष्ट पक्राउ परल बटै । उहाँहे बैशाख ३ गते साढे २ बजे इलाका प्रहरी कार्यालय बेलौरीसे खटल प्रहरी टोली हुकाने घरसे पक्राउ करल हो ।
ओस्टेक करके फैसला कार्यान्वयनके सिलसिलामे जिल्ला अदालत कञ्चनपुरसे लागु औषध खैरो हिरोईन मुद्दामे ३ महिना कैद सजाय तोक्के फरार प्रतिवादी जिल्ला कैलाली गोदावरी न.पा.– ९ बैठना बर्ष २० के सुवास रानाहे पक्राउ करले बा । जिल्ला प्रहरी कार्यालय कञ्चनपुरसे खटल प्रहरी टोली उहाँहे बुधके रोज नियन्त्रणमे लेके अदालतमे पेश करल हो ।
ओस्टे फैसला कार्यान्वयनके सिलसिलामे जिल्ला अदालत कञ्चनपुरसे बहुबिबाह मुद्दामे जिल्ला कञ्चनपुर भीमदत्त न.पा.–१२ बैठना बर्ष ४४ के मोहन सिंह बिष्टहे पक्राउ करल बा । रु.१० हजार जरिवाना तोक्के फरार रहल उहाँहे बुधके रोज जिल्ला प्रहरी कार्यालय कञ्चनपुरसे खटल प्रहरी टोली नियन्त्रणमे लेके अदालतमे पेश करल बा ।
