सम्मानजनक सेवा प्रवाह कैना मुख्यमन्त्रीसे निर्देशन
पहुरा समाचारदाता
धनगढी, ४ बैशाख । सुदुरपश्चिम प्रदेशके मुख्यमन्त्री कमलबहादुर शाह सर्वसाधारण जनताहे राज्यसे डेना सेवा सुविधामे सहज पहुँचके वातावरण निर्माण करके सम्मानजनक रुपमे सेवा प्रवाह कैना निर्देशन डेले बटै ।
बिफेक रोज मुख्यमन्त्री तथा मन्त्रिपरिषद्के कार्यालयमे प्रदेश सरकारका मन्त्री, सचिव, चारु सुरक्षा निकायके प्रमुख तथा प्रदेश अन्तर्गत कार्यालयके प्रमुखसँग टमान विषयमे छलफल करटी उ निर्देशन डेहल रहिट ।
प्रदेशके शान्ति सुरक्षाके अवस्था, भन्सार चेकजाँच तथा आवागमन सहजीकरण, राजश्व संकलन ओ लागु औषध नियन्त्रणके विषयमे छलफल करल रहिट । मुख्यमन्त्री शाह सुदूरपश्चिम प्रदेशभिटरके शान्ति सुरक्षा चुस्तदुरूस्त रख्न, लागुऔषध नियन्त्रण, सडक दुर्घटना न्यूनिकरण तथा पर्यटन प्रवद्र्धनके विषयमे प्रभावकारी रुपमे लग्ना निर्देशन डेलै । बैठकमे सुरक्षा निकायमे प्रमुखहुक्रे समग्र शान्ति सुरक्षा चुस्त दुरूस्त रहल ब्रिफिगं करल रहिट ।
बैठकसे शान्ति सुरक्षाके स्थितिहे थप प्रभावकारी बनैना संस्थागत समन्वय ओ सहकार्यहे निरन्तरता डेना, प्रदेशस्तरमे सुरक्षा सम्बन्धित बैठक सम्भव हु्इटसम मासिक रूपमे सञ्चालन कैना, भन्सार चेकजाँच, सीमापार आवागमन सहजीकरण, लागुऔषध नियन्त्रण कैना ओ रोजगारीके सिलसिलामे भारत जैना नेपाली नागरिकके अभिलेख व्यवस्थापन कार्यहे थप व्यवस्थित एवं प्रभावकारी बनाइक लाग उहाँक लाग सरोकारवाला कार्यालय ओ सुरक्षा निकाय समेतके प्रतिनिधित्व हुइना करके एक समिति गठन कैना सुदूरपश्चिम प्रदेश सरकारहे अनुरोध कैना निर्णय करले बा ।
बैठकमे आन्तरिक मामिला तथा कानून मन्त्री हिरा सार्की, भौतिक पूर्वाधार बिकास राज्यमन्त्री प्रकाश बम, मुख्यमन्त्री तथा मन्त्रिपरिषद्के कार्यालय, उद्योग, पर्यटन, वन तथा वातावरण मन्त्रालय निमित्त प्रमुख सचिव लिलाधर सुवेदी, नेपाली सेना, सुदूरपश्चिम पृतना हे. क्वा उपरथी प्रकाश देउजा, भौतिक पूर्वाधार विकास मन्त्रालय प्रदेश सचिव सुरत कुमार वम, कञ्चनपुरके प्रमुख जिल्ला अधिकारी लक्ष्मण ढकाल, कैलालीके निमित्त प्रमुख जिल्ला अधिकारी किरण जोशी, सशस्त्र प्रहरी बल नेपाल, वैद्यनाथ बाहिनी सशस्त्र प्रहरी नायब महानिरिक्षक दिपक अधिकारी, नेपाल प्रहरी, प्रदेश प्रहरी कार्यालय, कैलाली प्रहरी वरिष्ठ उपरीक्षक प्रकाश मल्ल, राष्ट्रिय अनुसन्धान विभाग, प्रदेश कार्यालयके सह अनुसन्धान निर्देशक नगेन्द्र प्रसाद दाहाल लगायतकाके उपस्थिती रहल रहे ।
