विद्यालय सुधार योजना निर्माणके लाग कार्याशाला
पहुरा समाचारदाता
हसुलिया, ७ बैशाख । कैलारी गाउँपालिका अन्र्तगतके विद्यालय शैक्षिक सुधारके मस्यौदा तयार कैना ओ अध्यावधिक कार्यमे सहयोग पुगे कना उद्देश्यसे पालिकास्तरीय योजना निर्माण कार्यशाला अँटवारके रोज सम्पन्न हुइल बा ।
कैलारी गाउँपालिका शिक्षा शाखाके समन्वयमे शिक्षाका लागि राष्ट्रिय अभियान सुदूरपश्चिम प्रदेशके आयोजनामे शिक्षा क्षेत्रमे सुधार तथा विद्यालय स्तरीय कार्ययोजना निर्माणके लाग कार्यशाला हुइल हो ।
कैलारी गाउँपालिका स्तरीय बालबालिका तथा समावेशी शिक्षा सञ्जाले संयोजक तथा गाउँपालिका उपाध्यक्ष भगवतीकुमारी चौधरीके अध्यक्षतामे हुइल कार्यक्रम गाउँपालिका अध्यक्ष राजसमझ चौधरी प्रमुख अतिथि रहल रहिट । कार्यक्रममे सम्बोधन करटी गाउँपालिका उपाध्यक्ष विद्यालयके पहिले भवन अपाङता, बालमैत्री नैरहल ओरसे आवसे भौतिक संरचनाफे अपाङता मैत्री, बालमैत्री बनाई पर्ना जरुरी रहल बटैली ।
कार्यक्रममे शिक्षाका लागि राष्ट्रिय अभियान सुदूरपश्चिम प्रदेशके अधिकृत एकराज बडु ओ शिक्षा शाखा प्रमुख गणेश प्रसाद मिश्र समावेशी शिक्षा कार्ययोजनाबारे प्रस्तुतीकरण करल रहिट । बालिका, अपाङगता हुइल तथा सीमान्तकृत बालबालिकाके शिक्षाके सुनिश्चितितामे पहुँच, सहभागिता ओ सिकाई उपलब्धीमे सुधारके लाग योजना तर्जुमा तथा कार्यान्वयन सहजीकरणके लाग स्थानीय तहमे स्थानीय बालिका तथा समावेशी शिक्षा सञ्जाल गठन करके आघे बह्रल बटैलै । विद्यालयमे गुनासो सुनुवाई सम्बन्धी व्यवस्था, विद्यालय स्तरीय संरचनाबारे जानकारी डेहल रहिट ।
नेपाल अपाङ महिला संघके जिल्ला सदस्य अनिता ढुङगाना अपाङताके सवालबारे प्रस्तुतीकरण करटी लैङिगता ओ अपाङता हुइल व्यक्तिहुकनहे सहभागिता हुइपर्ना बटैले रही । कार्यक्रममे विद्यालय क्षेत्र ओ गाउँपालिकाके दुई ग्रुप बनाके विद्यालय सुधार योजनाबारे छलफल कैगिल रहे ।
कार्यक्रममे वडा नम्बर ३ के वडा अध्यक्ष सन्तराम चौधरी, वडा नम्बर ५ के वडा अध्यक्ष विष्ण्ु प्रसाद चौधरी, कार्यपालिका सदस्यमे सुन्दरी चौधरी, वडा सदस्य राजकला खनाल, शिक्षा शाखा प्रमुख गणेश प्रसाद मिश्र, सामाजिक विकास शाखा प्रमुख यगम कलेल, महिला तथा वालबालिका शाखा प्रमुख बालकुमारी चौधरी, टमान विद्यालयके अध्यक्ष, शिक्षक ओ टमान संघसंस्थाके प्रतिनिधिहुकनके सहभागिता रहे ।
