अल्पसंख्यक कुमाल जातीके लाग जनचेतना क्षमता अभिवृद्धि तालिम
पहुरा समाचारदाता
धनगढी, ९ बैशाख । कैलारी गाउँपालिका वडा नम्बर ९ रहल अल्पसंख्यक कुमाल समुदायके लाग एक दिने जनचेतना–क्षमता अभिवृद्धि तालिम हुइल बा ।
संसाधन सशक्तीकरण समाज (रेष्ट) कैलालीके आयोजना ओ कैलारी गाउँपालिका वडा नम्बर ९ के कार्यालयके सहयोगमे हुइल तालिम रेष्टके अध्यक्ष रमेश चौधरीके अध्यक्षता ओ वडा नम्बर ९ के वडा अध्यक्ष खेमराज चौधरी प्रमुख अतिथि ओ वडा सदस्य जगमा चौधरी, कृष्णी परियार विशिष्ट अतिथि रहल रहिट ।
तालिममे सहजीकरण नेपाल आदिवासी जनजाती महासंघ समन्वय समिति सुदूरपश्चिम प्रदेश अध्यक्ष दलबहादुर घर्तीमगर ओ सरिता चौधरी करल रहिट ।
कुमाल समुदायमे सीप रहल मने ओइने बनाइलक सामान बजारी हुईना अवस्थामे पुगल ओरसे क्षमता अभिवृद्धि, बनागिल सामानके बजारीकरण तौरतरिका, नेतृत्व विकासबारे सहजीकरण कैगिल रहे । ओइनके सीपहे प्रवद्र्धन करके आर्थिक सशक्तीकरणमे जोरना मेरिक तालिममे सहजीकरण कैगिल रहे । कार्यक्रमके संचालन संन्जिव चौधरी ओ शसी चौधरी करल रहिट ।
