चैतन्य आमा सम्मान तथा आदर्श अभिभावक शिक्षा कार्यक्रम

पहुरा समाचारदाता
धनगढी, १३ बैशाख । चैतन्य आमा सम्मान कार्यक्रम माता तीर्थ औशी आदर्श अभिभावक शिक्षा कार्यक्रम शनिच्चरके रोज सम्पन्न हुइल बा ।

माता तिर्थ औसीके अवसर पारके चैतन्य आमा सम्मान तथा आदर्श अभिभावक शिक्षा कार्यक्रम हुइल हो ।
जेष्ठ अभिभावक पार्वतीदेवी बमके अध्यक्षतामे हुइल कार्यक्रममे प्रमुख अतिथि उत्प्रेरक वक्ता नवराज फुयाँल रहल रहिट ।

कार्यक्रम बोल्टी प्रेरक वक्ता नवराज फुयाँल चैतन्यमे आइबेर स्कूलमे आइल जैसिन नैलागके आश्रम आइल अनुभव हुइल उहाँ बटैलै । जहाँ संस्कार सहितके शिक्षा प्रदान कैजाइठ । उहाँ बच्चा जलमाके केल नाही बालबालिकाहे मजा ज्ञान, संस्कार व्यवहारके आवश्यकता रहठ, डाई बाबा मजा ज्ञान डेना आजके सक्कु अभिभावकसे बुझना अति आवश्यक रहल उहाँ बटैलै ।
बच्चाहुक्रे व्यवहार डाई बाबासे सिक्न ओ आघे बह्रना बटैलै । डाई बाबक प्रेरणासे बालबालिका काल्हके दिन महान मनै बन्ठै उहाँ बटैलै ।

एक ठो बच्चा जलमलपाछे उहीहे मजा बनैना एक ठो डाइक भारी भुमिका जिम्मेवारी रहल उहाँ बटैलै । बालबालिकाके लाग पहिल विद्यालय घर ओ पहिल गुरु डाई बाबा रहल उहाँ बटैलै ।
आमा सम्मान कार्यक्रममे बोल्टी पाठशालाके अध्यक्ष गणेश प्रसाद जोशी मन्तव्य रख्टी चैतन्य पाठशालाहे आदर्श अभिभावकके अथाह मायासे चैतन्य पाठशाला आघे बह्रल बटैलै ।