लोकतान्त्रिक निर्माण ब्यवसायी संघ कैलालीके पद तथा गोपनियताके सपथ ग्रहण
पहुरा समाचारदाता
धनगढी, १४ बैशाख । लोकतान्त्रिक निर्माण ब्यबसायी संघ कैलालीके पहिल जिल्ला भेला तथा अधिबेशनसे निर्वाचित पदाधिकारी ओ सदस्यके सपथग्रहण सम्पन्न हुइल बा ।
नेपाल लोकतान्त्रिक निर्माण व्यवसायी संघके केन्द्रीय उपसंयोजक एवम नेपाल निर्माण व्यवसायी महासंघके केन्द्रीय उपाध्यक्ष प्रकाश बहादुर सेठीके प्रमुख आतिथ्यतामे हुइल कार्यक्रममे निर्वाचन अधिकृत ओमराज पाठक पद तथा गोपनियताके सपथग्रहण कराइल रहिट ।
यी आघे हुइल लोकतान्त्रिक निर्माण व्यवसायी संघ कैलालीके पहिल जिल्ला भेला तथा अधिवेशनसे निरन्जन शाहके अध्यक्षतामे १६ सदस्यीय कार्य समिति निर्विरोध रुपमे चयन हुइल रहे ।
कार्य समितिके उपाध्यक्षमे किरण रावल ओ नेत्र मगर निर्वाचित हुइल बटै । ओस्टेक महासचिवमे डम्बर चन्द, उपमहासचिवद्वयमे टेकराज जोशी ओ दीपक सिंह ऐर, कोषाध्यक्षमे सिद्धराज भट्ट, सहकोषाध्यक्षमे जयन्ती शाह निर्वाचित हुइल बटै ।
ओस्टेक करके सदस्यमे महेन्द्र शाह, प्रतापजंग कुंवर, छपेन्द्र कडाल, नरेन्द्रराज अवस्थी, रिसिकेश चौधरी, दिलिप रोकाया, उमेशराज पाण्डेय ओ रुद्र पन्त निर्वाचित हुइल निर्वाचन अधिकृत ओमराज पाठक जानकारी डेलै ।
लोकतान्त्रिक निर्माण ब्यबसायी संघ कैलालीके पहिल जिल्ला भेला तथा अधिवेशनमे प्रदेश संयोजक मदन कुंवर, नेपाल निर्माण ब्यबसायी महासंघके केन्द्रीय सल्लाहाकार टेकबहादुर सेठी, प्रदेश अध्यक्ष लक्ष्मण स्वाँर, केन्द्रीय सदस्य दिनेश सिंह, किशोर ठकुराठी, यमुना भट्ट लगायत निर्माण व्यवसायीके उपस्थिति रहल रहे ।
