सुदुरपश्चिमके विकासके लाग हातेमालो कैना जोड

पहुरा समाचारदाता
काठमाण्डौ १४, बैशाख । बजेट निर्माणमे जुटल सुदुरपश्चिम प्रदेश सरकारसे केन्द्रीय राजधानी काठमाडौमे अन्तरक्रिया कार्यक्रमके आयोजना करले बावै ।

अँट्वारके सुदुरपश्चिम प्रदेश नीति तथा योजना आयोगसे आव २०८२÷०८३ के संघीय बजेट ओ सुदुरपश्चिम प्रदेशके प्राथमिकता बिषयक अन्तरक्रिया कार्यक्रम करल हो । कार्यक्रममे सुदुरपश्चिम प्रदेशसे प्रतिनिधित्व करुइया प्रतिनिधि सभा तथा राष्ट्रीय सभाके सदस्य, प्रदेश मन्त्री, माननीय तथा टमान क्षेत्रके बिज्ञहुक्रनके सहभागिता रहल रहे ।

कार्यक्रममे कृषि क्षेत्र, धार्मिक पर्यटन, शिक्षा ओ स्वास्थ्य, कनेक्टिभिटी (दुई देश बिच), कनेक्टिभिटी (अन्तर प्रदेशस्तरिय) जलविद्युत, खेलकुद, नदी नियन्त्रण तथा तटबन्धन, भन्सार नाका, औद्योगिक विकास, वन विकासके विषयमा छलफ हुइल रहे । सुदूरपश्चिम प्रदेशके समृद्धिके सपना साकार करक लाग आवश्यक रणनीति ओ सुदूरपश्चिम प्रदेशके समग्र विकास ओ समृद्धिके लाग नेपाल सरकारके आगामी नीति तथा कार्यक्रम ओ बजेटमे सहभागीहुक्रे धाराणा राखल रहटि । कार्यक्रमके सहभागीहुक्रनके सुदुरपश्चिमके विकासके लाग हातेमालो करे पर्ना जोड डेहल रहिट ।

अन्तरक्रिया कार्यक्रमके बर्का पहुना नेपाल सरकारके परराष्ट्र मन्त्री डा. आरजु राणा देउवा सुदुरपश्चिमके विकासमे सबजाने हातेमालो करे पर्ना बटाइल रही । उहाँ कृषि, पर्यटन, धार्मिक ओ साँस्कृतिक क्षेत्रसँग सँगे मानव विकासहे आघे बह्राइ पर्नामे जोड डेहल रही ।

कार्यक्रममे मुख्यमन्त्री कमल बहादुर शाह संविधानके मर्म ओ भावना अनुसार सुदूरपश्चिम प्रदेशके विकासके लाग नेपाल सरकारसे समाजवाद उन्मुख अर्थतन्त्र निर्माण ओ समावेशी समन्यायिक प्रादेशिक सन्तुलन सहितके आर्थिक, सामाजिक ओ भौतिक विकासके क्षेत्रमे वजेट विनियोजन करे पर्ना बटैलै । “प्रदेशके विकासके लाग संघ सरकारके भूमिका महत्वपूर्ण रहठ्,” मुख्यमन्त्री शाह कहलै, “सुदूरपश्चिम प्रदेशमे संचालित राष्ट्रिय गौरवके आयोजना ओ रुपान्तरणकारी आयोजनामे उच्च प्राथमिकता ओ बजेट विनियोजन संघ सरकारसे करे परल ।” अपने उहीसे आघेक भेटमे आगामी आर्थिक बरसके बजेटमे सुदुरपश्चिमहे प्राथमिकतामे राखक लाग प्रधानमन्त्री केपी शर्मा ओलीहे आग्रह करसेकल मुख्यमन्त्री शाह बटैलै । मुख्यमन्त्री कमल बहादुर शाहके अध्यक्षतामे हुइल अन्तरक्रिया कार्यक्रममे उद्योग, बाणिज्य तथा आपुर्ती मन्त्री दामोदर भण्डारी खास पहुना रहल रहिट ।

छलफलके विषयबस्तु

कृषि क्षेत्र अन्तर्गत (१) जलवायुमैत्री कृषि प्रवद्र्धन कार्यक्रम प्रदेशक ९ जिल्ला (२) भेडा तथा बाख्रापालन प्रवद्र्धन कार्यक्रम बाजुरा जिल्ला (३) हिमाली जिल्लामे प्राङ्गारिक कृषि प्रवद्र्धन कार्यक्रम वझाङ, बाजुरा ओ दार्चुला (४) आधुनिक बधशाला निर्माण कैलाली जिल्ला

धार्मिक पर्यटनः (१) सुदूरपश्चिमके महत्वपूर्ण धार्मिक ओ पर्यटकीय क्षेत्र खप्तड राष्ट्रिय निकुञ्जसम जैना पैदलमार्ग निर्माणके लाग बजेट विनियोजन करे पर्र्ना, (२) धार्मिक दृष्टिकोणसे अत्यन्तै शक्तिपिठके रुपमे रहल बडिमालिका दर्शन गर्न पहुँच मार्ग (पैदल ÷सडक) निर्माण कैना बजेट विनियोजन करे पर्ना, (३) सुदूरपश्चिम प्रदेश ओ भारतके उत्तराखण्ड बीच प्राकृतिक, साँस्कृतिक तथा धार्मिक पर्यटनके दृष्टिकोणसे अत्यन्त महत्वपूर्ण गन्तव्यके रुपमे रहल “देवाटवि सर्किट (देवा–अटवी, त्जभ न्बचमभल या नयमक अष्चअगष्त) के निर्माण कैना बजेट विनियोजन करे पर्र्ना,

कनेक्टिभिटी (दुई देश बिच)ः– (१) दुई देशीय व्यापार व्यवसायमे वृद्धि करक लाग कञ्चनपुरमे निर्माणधीन ड्राईपोर्ट निर्माणके लाग लागत अनुसारके आवश्यक पर्ना बजेट विनियोजन करे पर्र्ना, (२) त्रिदेशीय नाकाके रुपमे रहल महाकाली करिडोरके निर्माणके लाग आवश्यक बजेट विनियोजन करे पर्र्ना, (३) सेती लोकमार्ग (कैलालीसे उरै भन्ज्याङ्ग ताक्लाकोट चिनियाँ नाकासम) निर्माण कार्यहे आवश्यक बजेट विनियोजन कैके तदारुकताके साथ आघे बह्राइ पर्ना, (४) पाटनसे पंचेश्वर (पंचेश्वर जलविद्युत परियोजनासम) के पहुँच मार्गके लाग आवश्यक बजेट विनियोजन करे पर्र्ना,

कनेक्टिभिटी (अन्तर प्रदेशस्तरिय)ः– (१) कर्णाली चिसापानीसे महाकालीसमके पूर्व पश्चिम राजमार्ग चार लेनके लाग आवश्यक बजेट विनियोजन करे पर्र्ना, (२) खुटिया दिपायल फाष्ट ट्रयाकके लाग आवश्यक बजेट विनियोजन करे पर्र्ना, (३) गोदावरी भिमदत्त मार्ग दुई लेनके सडक निर्माणके लाग आवश्यक बजेट विनियोजन करे पर्ना, (४) मझगाँउ कञ्चनपुर, एअरपोर्टके स्तरोन्नति कैके सुचारु कैना आवश्यक पूर्वाधार निर्माणके लाग आवश्यक बजेट बिनियोजन करे पर्ना,

शिक्षा ओ स्वास्थ्यः– (१) गेटा मेडिकल युनिभर्सिटीमे शैक्षिक कार्यक्रम ओ विशिष्टकृत स्वास्थ्य उपचार सेवा सुरु कैना आवश्यक बजेट विनियोजन करे पर्र्ना, (२) डडेल्धुरा मेडिकल कलेज ३०० शैयाके अस्पतालके रुपमे स्वीकृत कैके शैक्षिक कार्यक्रम सञ्चालन कैना आवश्यक बजेट विनियोजन करे पर्र्ना, (३) सुदूरपश्चिम विश्वविद्यालयमे ४०० दरबन्दी स्वीकृत कैके बजेट विनियोजन करे पर्र्ना ।

जलविद्युतः– (१) ३०० मेघावाट क्षमताके जलविद्युतत परियोजना प्रदेश सरकारसे अपनहे लगानीकर्ता खोजी करे सेक्ना ओ निर्माण कैना अधिकार सहितके कानुनी पाटो स्पष्ट करे पर्ना ।

लडिया नियन्त्रण तथा तटबन्धनः– (१) गहनान क्षेत्र तटबन्धन (सेती नदी ओ सकायल गाड) करे पर्ना ।
भन्सार नाकाः– (१) कैलाली भन्सार गौरिफन्टा नाकाके स्तरोन्नतिके लाग आवश्यक व्यवस्था मिलाइ पर्ना ।
खेलकुदः– (१) फाप्ला क्रिकेट रंगशाला निर्माणके लाग आवश्यक बजेट विनियोजन करे पर्ना ।
औद्योगिक विकास (१) दैजी छेला औद्योगिक क्षेत्र सञ्चालनके लाग आवश्यक बजेट विनियोजन करे पर्ना ।
वन विकास (१) प्रदेश स्तरीय अत्याधुनिक सार्वजनिक निजी साझेदारीमे स्थापना ।