कांग्रेसके प्रदेश महामन्त्री सवार गाडी भारतमे दुर्घटना

पहुरा समाचारदाता
धनगढी, १४ वैशाख । नेपाली कांग्रेसके सुदूरपश्चिम प्रदेश कमिटी महामन्त्री नरनारायण शाह (मनु) सवार गाडी अँट्वारके भारतमे दुर्घटना हुइल बावै ।

परिवारके अन्य सदस्यसहित शाह चहुरल गाडी उत्तर प्रदेशस्थित खिरी जिल्लाके खुटारमे गाडी दुर्घटना हुइल हो । बससँग टकराके शाह चहुरल गाडी दुर्घटना हुइल जनाइल बावे ।

दुर्घटनामे घाहिल शाहके शाहजहाँपुरस्थित अस्पतालमे उपचार हुइटी रहल नेपाली कांग्रेस कैलालीके सचिव नृप सुनार जानकारी डेलै । शाहजहाँपुरमे तीन जनहनके उपचार हुइटी रहल जनाइल बावै ।

ओस्टके, अन्य तीन जनहनहे धनगढीत लानल जनाइल बावै । दुर्घटनामे घाहिल शाहके अवस्था खतरामुक्त रहल बटाइल बावै ।