धनगढीमे राष्ट्रिय स्तरके उसु डिप्लोमा कोर्ष

पहुरा समाचारदाता
धनगढी, १४ बैशाख । सुदूरपश्चिमके राजधानी धनगढीमे राष्ट्रिय स्तरके उसु डिप्लोमा कोर्ष सम्पन्न हुइल बावै । ‘रेड बेल्ट’ पाछेक सिनियर खेलाडीहे प्रशिक्षकके रुपमे उत्पादन कैना डिप्लोमा कोर्षके आयोजना करल नेपाल उसु संघ सुदूरपश्चिम प्रदेशके निमित्त अध्यक्ष तथा कार्यक्रमके संयोजक राजीव गुप्ता बटैलै ।

राष्ट्रियस्तरके उक्त कोर्षमे बाग्मती, कोसी, गण्डकी, लुम्बिनी, कर्णाली ओ सुदूरपश्चिमके सिनियर खेलाडीनके सहभागिता रहल रहे । कोर्षमे नेपाल प्रहरी, सशस्त्र प्रहरी ओ नेपाल प्रहरीके सिनियर खेलाडीहुक्रनके फेन सभागिता रहल रहे । डिप्लोमा कार्षमे ५७ जाने ओ रेफ्रि कोर्षके ४२ जनहनके सहभागिता रहल रहे ।

बैशाख ७ गतेसे १३ गतेसम सञ्चालन करल राष्ट्रियस्तरके कोर्षमे सान्दा ओर राष्ट्रिय रेफ्रि जुनी राई, थाउलो ओर राष्ट्रय रेफ्रि दिपेश तिरुवा ओ डिप्लोमा कार्या ओर जोन तामाङ उत्कृष्ट हुइल बटै । तालिममे अन्तराष्ट्रिय रेफ्रि रतन खाती, मञ्जुर महर्जन, गोविन्द शाही, राजेन्द्र बुढाथोकी, अन्तराष्ट्रिय कोच निकेश श्रेष्ठ ओ साउथ एशीयन रेफ्रि प्रकाश शाही प्रशिक्षण डेहल रहिट ।
७ दिने डिप्लोमा कोर्षके समापन सामाजिक विकास राज्यमन्त्री सरस्वती खडका करल रही ।

निमित्त प्रदेश अध्यक्ष राजीव गुप्ताके अध्यक्षतामे हुइल समापन समारोहमे राज्यमन्त्री खडका खेलसे देश चिन्हैना हुइल ओरसे मन्त्रालय खेल क्षेत्रके विकासमे प्रतिवद्ध रहल बटैली । उहाँ खेल क्षेत्रहे मन्त्रालयसे प्रार्थमिकतामे राखल बटैली । कार्यक्रममे नेपाल उसु महासंघके अध्यक्ष बीर बहादुर तामाङ, महासचिव लाक्पा लामा सहितके पदाधिकारहुक्रनके फेन उपस्थिति रहल रहे । यी तालिम लेहल प्रशिक्षकहुक्रनहे क्वान सञ्चालनके अधिकार रहना करठ् ।