रुख्वमसे गिरके एकके मृत्यु

पहुरा समाचारदाता
धनगढी, १४ बैशाख । कैलालीमे रुख्वमसे गिरके एक जनहनके मृत्यु हुइल बावै ।

टीकापुर नगरपालिका–१ के ४० वर्षीय विष्णु चौधरीके शनिच्चरके रुख्वमसे गिरके मृत्यु हुइल प्रहरी जनैले बावै । जिल्ला प्रहरी कार्यालयके प्रवक्ता प्रहरी नायब उपरीक्षक(डीएसपी) कबिन्द्रसिंह बोहरा शनिच्चरके दिनके लिप्टिसके हाङ्गा कट्ना क्रममे गिरके गम्भीर घाहिल हुइल चौधरीके उपचारके क्रममे मृत्यु हुइल पुष्टि करलै । ओहकान अनुसार चौधरीके नेपालगञ्ज सेवा नर्सिङ होममे मृत्यु हुइल हो ।