अवैध लागु औषधसहिट चार जाने पक्राउ

पहुरा समाचारदाता
धनगढी, १४ बैशाख । ३ ग्राम ९२० मिलिग्राम खैरो हेरोईन ओ २ किलो ५८० ग्राम चरेशसहित ४ जाने पक्राउ परल बटै ।
जिल्ला प्रहरी कार्यालय कैलालीके अपराध अनुसन्धान समुहसे खटल प्रहरी टोली जिल्ला कैलाली धनगढी उप–महानगरपालिका वडा नं. ०२ भन्सार कार्यालय लग्गे ओइनहे पक्राउ करल हो ।

डोटी जोरायल गाउँपालिका वडा नं. ०१ गैरा बैठना बर्ष २४ के किरणबहादुर बि.क. हे शंका लागके चेकजाँच करेबेर हुकान थेनसे २ ग्राम १२० मिलिग्राम लागु औषध (खैरो हिरोइन) फेलापारके बरामद करल बा ।

वडा प्रहरी कार्यालय धनगढी ओ लागु औषध ब्युरो शाखा कार्यालय धनगढीसे खटके गैल संयुक्त प्रहरी टोली जिल्ला कैलाली धनगढी उप–महानगरपालिका वडा नं. ०३ बोराडाडी स्थित जिल्ला कैलाली गौरीगंगा नगरपालिका वडा नं. ०८ बैठना बर्ष ५३ के बेलमती बोहराहे शंका लागके चेकजाँच करेबेर हुकनथेनसे २ किलो ५८० ग्राम चरेश फेलापारके बरामद करले बा । कलेसे जिल्ला कैलाली धनगढी उप–महानगरपालिका वडा नं. ०२ ब्यारेल स्थित जिल्ला बैतडी दशरथचन्द नगरपालिका वडा नं. ०१ ब्ैठना बर्ष २७ के बिरेन्द्र सिंह भाटहे शंका लागके चेकजाँच करेबेर हुकनथेनसे मुहसे ६६० मिलिग्राम लागु औषध (खैरो हिरोइन) करके जम्मा ३ ग्राम ९२० मिलिग्राम लागु औषध (खैरो हेरोईन) ओ २ किलो ५८० ग्राम चरेश फेलापारके बरामद करके चारु जनहनहे नियन्त्रणमे लेके आवश्यक कारवाहीके लाग जिल्ला प्रहरी कार्यालयके हिरासतमे धारके थप अनुसन्धान कार्य हुइटी रहल प्रहरी जनैले बा ।