लालकुश्मी बरगदहुवा थारु समाजके १५औ गोतियार सम्मेलन

पहुरा समाचारदाता
पहलमानपुर, १६ बैशाख । कैलाली जिल्लाके कैलारी गाउँपालिका वडा नम्बर ८ पृथीपुरमे लालकुस्मी बरगदहुवा थारु समाजके १५औ गोतियार सम्मेलन समापन हुइल बा ।

धनीलाल कुश्मीके घर गोस्यामे हुइल सम्मेलनमे वरका पहुना घोघी राम लालकुश्मी रहल रहिट । सम्मेलनमे उहाँ लालकुश्मीके पोक्तामे लाल रङ लागाइल ओर्से पद जोगाइल कहलै ।

सम्मेलनमे लालबहादुर लालकुश्मी, शिक्षक आरविन्द लालकुश्मी, फुलराम लाल कुश्मी, आप्सरा लालकुश्मीलगायत मन्तव्य राखल रहिट । यिहे विच एतके पहुनाहुक्रन सम्मनपत्र दोसल्लासे सम्मान करगिल रहे । सम्मेलनमे थारु महालोक गायक मनिराम करियामघरिया जनचेतना मुलक गीत सुनाइल रहिट ।

ओस्टेक हस्य कलाकर सुर्दिन लालकुश्मी हसाइल रहित । स्वागत मन्तव्य कार्यसमिति सचिव शारदा लालकुश्मी ओ संचालन सल्लाहकार चन्दु लालकुश्मीसे करल रहिट । यिहे विच सम्मेलनमे ९३ हजार ९५रुप्या बराबरके आयव्यय सुनागिल रहे ।