कैलारीमे संरक्षण विहिन बालबालिकाहुकन शैक्षिक सामाग्री वितरण

पहुरा समाचारदाता
हसुलिया, २० बैशाख । कैलाली जिल्ला कैलारी गाउँपालिकाके ७५ जाने बालबालिकाहुकनहे शैक्षिक सामाग्री ओ स्कुल झोला वितरण कैगिल बा ।

कैलारी गाउँपालिका महिला तथा बालबालिका शाखाके आयोजनामे कैलारी गाउँपालिका अन्र्तगत संरक्षण विहिन बालबालिकाहुकनहे शैक्षिक सामाग्री ओ स्कुल झोला वितरण कैगिल हो । आर्थिक बर्ष २०८१÷०८२ के वार्षिक स्विकृत कार्यक्रम अनुसार संरक्षण विहिन बालबालिकाहे सहयोग तथा सहायता कार्यक्रम अन्र्तगत संरक्षण विहिन, अपाङता रहल बालबालिका, अपाङता रहल अभिभावकके बालबालिकाहुकन, अति विपन्न, जेहेन्दार करके ७५ जनहनहे शैक्षिक सामाग्री ओ स्कुल झोला वितरण कैगिल हो ।

सामाजिक विकास समितिके संयोजक तथा वडा नम्बर ३ के वडा अध्यक्ष सन्तराम चौधरीके अध्यक्षतामे हुइल कार्यक्रममे गाउँपालिका उपाध्यक्ष भगवतीकुमारी चौधरीके प्रमुख आतिथ्यतामे शैक्षिक सामाग्री तथा स्कूल झोला वितरण कैगिल हो । कार्यक्रममे उहाँ संरक्षण विहिन, अपाङता रहल बालबालिका, अपाङता रहल अभिभावकके बालबालिकाहुकन, अति विपन्न, जेहेन्दार बालबालिकाहे शैक्षिक सामाग्री वितरण हुइलपाछे उहाँहुकन शैक्षिक यात्रामे सहजता प्रदान हुइना बटैली ।

उहाँ कहली, ‘जेकर अभिभावक अपाङगता बटै । जौन बालबालिका संरक्षण विहिन बटै, ओइनहे किताव कापी, पेन्सिल, विद्यालय जैना झोला नैहो विद्यालय छोरना बाध्य बटै । शैक्षिक सामाग्री अभावके कारण संरक्षण विहिन, अपाङता रहल बालबालिका, अपाङता रहल अभिभावकके बालबालिकाहुकन, अति विपन्न, जेहेन्दार बालबालिका विद्यालय छोरे नपरे, शैक्षिक यात्रा नरुके कहटी गाउँपालिकासे प्रत्येक बर्ष सहयोग करटी उहाँ बटैली ।

गाउँपालिका उपाध्यक्ष कहली अपनेक गाउँ टोलमे शैक्षिक सामाग्री अभावके कारण बालबालिका विद्यालय छोरना बाध्य बटै कलेसे जानकारी करैबी, गाउँपालिका ओकर अभिभावकत्व ग्रहण करी । ओइनहे पह्रैना जिम्मेबारी गाउँपालिकासे लि ।
अब्बे पह्रना उमेरमे बालबालिका विद्यालय छोरके कुलटमे फस्टी गैल ओरसे अभिभावकहुकनके आपन बच्चनके भविष्यप्रति सचेत हुइनाफे उहाँ आग्रह करली ।

कार्यक्रममे वडा नम्बर ३ वडा अध्यक्ष सन्तराम चौधरी, दिपेन्द्र मावि हसुलियाके शिक्षक नारायण ढकाल मन्तव्य रख्टी नयाँ शैक्षिक शत्रके शुरुवाट संगे शैक्षिक सामाग्री अभावके कारण विद्यालय जैनासे बञ्चित संरक्षण विहिन, अपाङता रहल अभिभावकके परिवारके बालिका, अपाङता रहल बालबालिकाहुकनके यी कार्यक्रमसे शिक्षण सिकाईमे सकारात्मक प्रभाव पर्ना बटैले रहिट ।

कार्यक्रमके उद्देश्यबारे जानकारी डेटी कैलारी गाउँपालिका महिला तथा बालबालिका शाखाके प्रमुख बालकुमारी चौधरी बालबालिकाहुकनके शिक्षण सिकाईहे प्रभावकारी बनैना शाखासे प्रत्येक बरष यैसिन कार्यक्रम संचालन करल बटैली ।
कार्यक्रमके संचालन कैलारी गाउँपालिका सामाजिक विकास शाखा प्रमुख यगम कलेल करल रहिट ।