कर्जाके लेके सहि सदुपयोग करीः गापा उपाध्यक्ष
पहुरा समाचारदाता
हसुलिया, २९ बैशाख । नेरुडे मिर्मिरे लघुवित्त वित्तीय संस्था लिमिटेडसे सुदूरपश्चिम प्रदेश कार्यालय अन्र्तगत रहल शाखा कार्यालय हसुलिया कैलालीके केन्द्र गोष्ठी तथा वित्तीय साक्षरता कार्यक्रम सम्पन्न करले बा ।
केन्द्र नम्बर ९ के प्रमुख सुनिता चौधरीके अध्यक्षतामे हुइल कार्यक्रममे प्रमुख अतिथि कैलारी गाउँपालिका उपाध्यक्ष भगवतीकुमारी चौधरी रहल रहिट । कार्यक्रममे सम्बोधन करटी उहाँ लघुवित्तसे कर्जा लेके सहि सदुपयोग कैना आग्रह करल रहिट । उहाँ कहली, ‘जौन उद्देश्यसे कर्जा लेली ओकर सही सदुपयोग कैबी टे सफलता हासिल करेसेक्बी । कर्जाके सही सदुपयोग करुइया बहुट प्रगती करलेसे बटै । लघुवित्तसे एक जानेक लेहल कर्जा दुसर जानेक बचत हुई सेकठ । काम लगाके समयमे लौटैलेसे दुसर जाने मौका पैही ।’
उहाँ कहली, ‘पहिले गाउँठाउँमे बैंक तथा वित्तीय संस्थाके उपस्थिति नैरहेबेर गाह्रोसाह्रोमे पैसा खोज्ना कर्रा रहे । महाजनसे ऋण लेहे परे । किसानके कृषि उपज उत्पादन हुइटीकी महाजन उ आपन मनमौजी मुल्य तोक्के धान, गोँहु तौलके लैजाए । अब्बे अपने गाउँघरमे सहकारी तथा बैक वित्तीय संस्थाके उपस्थित बा । सहजे कर्जा लेहे सेक्ना व्यवस्था । कर्जा लेहटी कलेसे समयमे लौटाई ।
कार्यक्रममे संस्थाके संक्षिप्त परिचय प्रस्तुतीकरण, कर्जा, बचत, संस्थाके विध्यमान सेवा सुविधा, ग्राहक संरक्षण कोष ओ वित्तीय साक्षारता प्रस्तुतीकरण हसुलिया शखा प्रमुख झपट खडका करल रहिट । वित्तीय साक्षरता सम्बन्धी जनचेतनामुलक मुलक जानकारी तथा भिडियो सुदूरपश्चिम प्रदेश प्रमुख विरेन्द्रकुमार झा डेहल रहिट । समग्र कार्यक्रमके बारेमे सुदूरपश्चिम तथा कर्णाली प्रदेश कार्यालयमे कार्यरत रहल कनिष्ठ अधिकृत आयोग घिमिरे प्रकाश पारल रहिट ।
कार्यक्रममे उत्कृष्ट केन्द्रहुकन ओ सम्मान तथा पुरस्कार वितरण कैगिल बा । सम्मानित हुइलमे प्रथम केन्द्र ०७४ प्रगती मिर्मिरे महिला समुहके केन्द्र प्रमुख जुना अधिकारी, दुसरा ०२९ मिलन मिर्मिरे महिला समुहके केन्द्र प्रमुख गुलिया देवी चौधरी, टिसरा केन्द्र ०१ जगदबा मिर्मिरे महिला समुहके केन्द्र प्रमुख दिलकुमारी चौधरी सम्मानित हुइल बटै । उत्कृष्ट सदस्यहुकनहे सम्मान तथा प्रमाणपत्र वितरण कैगिल हो ।
ओस्टेक करके उत्कृष्ट कर्जा करोबार सदस्य कमला देवी पुलामी मगर केन्द्र नम्बर ४५ नारी चेतना मिर्मिरे महिला समुहमे सम्मान करल बा । उत्कृष्ट कर्जा तथा बचत कारोबार करुइया सदस्य पवित्रा बोहरा केन्द्र नम्बर ०४ लालीगुराँस मिर्मिरे महिला समुह रहल बा । उत्कृष्ट बचत कारोबार करुइया सदस्य सिराकुमारी चौधरी केन्द्र नम्बर ०३ डि गाउँ मिर्मिरे महिला रहल बा । उत्कृष्ट कर्जा तथा बचत कारोबार करुइया सदस्य मिना कुमारी चौधरी केन्द्र नम्बर ०३ इन्द्रेणी मिर्मिरे महिला समुहहे सम्मान कैगिल बा ।
स्वागत तथा कार्यत्रमके उद्देश्यबारे हसुलिया शाखाके कर्मचारी नरेश कुवँर जानकारी डेहल रहिट । नेरुडे मिर्मिरे लघुवित्त वित्तीय संस्था लिमिटेडके अत्तरिया शाखा प्रमुख नरेश बोहरा, आइविआरडी शाखा प्रमुख जानकी शाहलगायत महिला केन्द्र प्रमुख तथा सदस्यहुकनके सहभागिता रहल रहे ।
