लैङिक उत्तरदायी बजेट सम्बन्धी छलफल

पहुरा समाचारदाता
धनगढी, ३० बैशाख । सुदूरपश्चिम प्रदेशके माननीय प्रदेश सभा सदस्यहुकनसे लैङिक उत्तरदायी बजेट सम्बन्धी अन्तरक्रियात्मक छलफल कैगिल बा ।

महिला कानून र विकास मञ्चके आयोजना ओ दलित महिला अधिकार मञ्च कैलालीके सहकार्यमे मंगरके रोज लैङिक उत्तरदायी बजेट सम्बन्धी छलफल कैगिल हो ।

सुदूरपश्चिम प्रदेश सरकारके उपसभामुख कोइली देवी चौधरीके प्रमुख आतिथ्यतामे हुइल कार्यक्रममे लैङिक उत्तरदायी बजेट बनाई परठ कना भिटरसे चाहना हुइपर्ना बटैली । उहाँ कहली, ‘प्रदेश सभा सदस्य मन्से ढेर माननीयहुक्रे मन्त्री बनसेकल मने लैङिक उत्तरदायी बजेट निर्माण कैना चासो नैडेहल डेखल बा ।

सुदूरपश्चिम प्रदेश सरकारके सामाजिक विकास समिति सभापति धर्मराज पाठक बनल ऐन, नीति कार्यान्वयन नैहुइल बटैलै । नेपालके संविधानमे लैङिगक समानता सम्बन्धी टमान मेरिक अधिकार सुनिश्चित करल मने कार्यान्वयन नैहुइल उहाँ बटैलै ।
नेपालके संविधानके धारा १८ मे समानताके हक, धारा ३८ मे महिलाके अधिकार, धारा ४० मे दलितके अधिकार, धारा ५० मे राज्यके निर्देशक सिद्धान्त, लैंगिक समानता, समानुपातिक समावेशिकरण, स्थानीय सरकार संचालन ऐन २०७४ लैंगिक समानता तथा सामाजिक समावशीकरण (लैससास) गाउँपालिका तथा नरपालिकाके काम, कर्तव्य र अधिकारमे लेैेससास सम्वन्धी व्यवस्था उल्लेख करल बा ।

महिला, एकल महिला, अपाङता रहल महिला, सीमान्तकृत वर्ग तथा महिलाके समस्या सक्कु जनहन पत्ता बा मने निर्णय निकायमे पुगे अपनेकेल्ह सुविधा भोगी हुइना, सामाजिक विकासमे ध्यान नैगैल माननीय डम्बरी महरा बटैली ।
कार्यक्रममे स्रोत व्यक्ती संग्राम सिंह ब्लोन तामांग लैगिंक उत्तरदायी बजेट, अवधारणा, कार्यान्वयन तथा चुनौतीबारे प्रस्तुतीकरण करल रहिट ।

उहाँ लैङिक उत्तरदायी बजेटः प्रस्तुतीकरण विषयबस्तु, लैङिक उत्तरदायी बजेटः विषयबस्तुके सोच, लैङिक उत्तरदायी बजेट का हो ?, लैङिक उत्तरदायी बजेट काहे ?, जिआरबीमे बुझे पर्ना बाट, जिआरबीसे कैसिक महिलाहुकनहे सशक्तिकरण करठ ? लैङिक समानताके प्रतिवद्धतामे जिआरबीसे कैसिक सहजीकरण करे सेकठ बारे जानकारी डेहल रहिट ।

नेपालमे लैगिंक उत्तरदायित्व सम्बन्धी संवैधानिक तथा कानूनी व्यवस्था, लैङिगक उत्तरदायी बजेटः विकासक्रम, लैङिक उत्तरदायि बजेटः नेपालके अवस्था, लैङिक उत्तरदायी बजेटः हालके प्रयासबारे जानकारी डेहल रहिट ।
ओस्टेक प्रदेश तथा स्थानीय तहके लाग लैङिक उत्तरदायी बजेट नमूना निर्देशिका २०७७ मे रहल जिविकोपार्जन सशक्तिकरण, आवास सशक्तीकरण, विभेदजन्य नीति तथा अभ्यासमे परिवर्तनबारे जानकारी डेहल रहिट ।

लैङिक उत्तरदायीत्वके लाग संकेटबारे गहन छलफल कैगिल रहे । योजनाभिटरके निर्दिष्ट क्रियाकलापके लाग संकेत नम्बर १, योजनाभिटरके सहयोगी क्रियाकलापके लाग संकेत नम्बर २, ओ योजनाभिटरके तटस्थ क्रियाकलापके लाग संकेत नम्बर ३ रहल बा ।

लैङिक उत्तरदायी बजेटके अनुगमन, मुल्यांकन तथा प्रतिवेदन, जिआरवी कार्यान्वयनके लाग संस्थागत प्रवन्ध स्थानीय तह, प्रदेश तह, संघीय तह, राष्ट्रिय योजना आयोगबारे छलफल हुइल रहे । लैङिक उत्तरदायी बजेट समितिके संरचना संघीयस्तरमे रहल बा । छलफल कार्यक्रममे प्रदेशस्तरमे हाली बनाइक लाग सदनमे आवाज उठैना प्रदेशसभा सदस्य रमेश धामी बटैलै ।

कार्यक्रमके संचालन दलित महिला अधिकार मञ्चके अध्यक्ष सावित्रा घिमिरे ओ स्वागत तथा कार्यक्रमके उद्देश्यबारे जानकारी महिला कानून र विकास मञ्चके अधिवक्ता सागर पाठक करल रहिट । छलफल कार्यक्रममे सुदूरपश्चिम प्रदेशके टमान समितिके सभापति तथा प्रदेशसभा सदस्यहुकनके सहभागिता रहे ।