नेपाल थारु संघ कञ्चनपुरके पहिल समिक्षा
पहुरा समाचारदाता
कञ्चनपुर, ३१ बैशाख । नेपाली कांग्रेसके भातृ संगठन नेपाल थारु संघ कंचनपुरके पहिल समिक्षा बैठक सम्पन्न हुइल बा ।
नेपाल थारु संघ कञ्चनपुरके अध्यक्ष डा.फुलराम चौधरीके सभापतित्वमे ओ नेपाली काँग्रेस कञ्चनपुर जिल्लाके उप सभापति मिनबहादुर सिहके प्रमुख आतिथ्यमे बैठक सम्पन्न हुइल हो ।
बेदकोट नगरपालिका वडा नं.७ स्थित पोखरी कटेजमे सम्पन्न हुइल संघके बैठकमे बिशिष्ट अतिथि जिल्ला समन्वय समिति कञ्चनपुरके उपाध्यक्ष रामकुमारी राना, कृष्णपुर नगरपालिकाके उपप्रमुख द्रोपती राना ओ नेपाली कांग्रेस सुदुरपश्चिम प्रदेश समिति सदस्य झेली राना रहल रहिट ।
यिहे बैशाख ४ गते सम्पन्न हुइल नेपाल थारु संघ कञ्चनपुरके पहिल जिल्ला अधिबेशन पश्चात मंगरके सम्पन्न हुइल पहिल बैठकसे निर्वाचन क्षेत्र नं. १ के भीमसेन रानाहे उपाध्यक्षमे ओ निर्वाचन क्षेत्र नं.२ के दानसिह डंगौराहे सचिव पदमे मनोनित समेत करले बा ।
ओस्टेक करके महाधिबेशन प्रतिनिधिमे हवलदार चौधरी, जगता राना, रामदास राना लगायत ७ जनहनहे मनोनित करल बा ।
