स्थानीय सेवा सम्बन्धी ऐन हाली जारी हुईः मुख्यमन्त्री शाह
कर्मचारीनहे कार्यक्षेत्रमे जाके जिम्मेवारी सम्हर्ना आग्रह
पहुरा समाचारदाता
धजगढी, २ जेठ । सुदूरपश्चिम प्रदेश सरकारके मुख्यमन्त्री कमलबहादुर शाह स्थानीय सेवा सम्बन्धी ऐन प्रदेश सभासे हाली जारी हुइना जनैले बटै ।
सुदूरपश्चिम प्रदेश सरकार, मन्त्रिपरिषद्से स्थानीय सेवा सम्बन्धी विधेयक स्वीकृत करके प्रदेश सभामे पेश करसेकल बा, मुख्यमन्त्री शाह कहलै, उ विधेयक प्रदेश सभामे प्रस्तुत हुइल ओ प्रदेश सभाके विधायन तथा प्रदेश मामिला समितिसे छलफल हुके उ समितिसे समेत अपन प्रतिवेदन प्रदेश सभामे दर्ता करसेकल अवस्था हुइल ओरसे स्थानीय सेवा सम्बन्धी ऐन प्रदेश सभासे शिघ्र जारी हुई ।
सुदूरपश्चिम प्रदेशमे क्रियाशील राष्ट्रियस्तरके ट्रेड यूनियन तथा स्थानीय तहमे कार्यरत कर्मचारीसे स्थानीय सेवा सम्बन्धी ऐनके माग करके प्रदेश सरकार समक्ष टमान मितिमे बुझाइल ज्ञापन पत्र, कुछ स्थानीय तहसे उ सम्बन्धमे डेखाइल सरोकार ओ स्थानीय तहमे कार्यरत कर्मचारीसे जारी राखल आन्दोलनके माग तथा जेठ २ के दिन सकारे मुख्यमन्त्री तथा मन्त्रिपरिषद्के कार्यालयमे हुइल छलफलमे कर्मचारीहुकनके सुदूरपश्चिम प्रदेशमे क्रियाशील राष्ट्रियस्तरके ट्रेड यूनियन समेतके प्रमुख÷प्रतिनिधिसे स्थानीय ऐन हाली जारी करेकना विषयमे व्यक्त धारणाप्रति प्रदेश सरकारके गम्भिर ध्यानाकर्षण हुइल जनागिल बा ।
स्थानीय तहके कर्मचारीसे राखल माग ओ स्थानीय तहमे कार्यरत कर्मचारीके वृत्ति विकासमे परल अफ्ठेरोहे महसुस करके स्थानीय सेवा सम्बन्धी ऐन शिघ्र जारी होए कना समेत अपेक्षाके साथ सुदूरपश्चिम प्रदेश सरकार, मन्त्रिपरिषद्के जेठ १ गतेके निर्णय अनुसार प्रदेश सभाके अधिवेशन आव्हान कैना माननीय प्रदेश प्रमुख समक्ष सिफारिश करल बा ।
माननीय प्रदेश प्रमुखसे समेत नेपालके संविधानके धारा १८३ के उपधारा (१) बमोजिम मिति २०८२ साल जेठ ११ गते अँटवारके दिनके १ः०० बजे प्रदेश सभाके अधिवेशन आव्हान समेत हुसेकल बा । प्रदेश सभाके यी अधिवेशनसे शिघ्र स्थानीय सेवा सम्बन्धी कानून जारी हुके यहाँहुकनके माग समेत पूरा हुइना ओरसे आन्दोलनरत कर्मचारीहुकनहे आन्दोलके सक्कु कार्यक्रम फिर्ता करके आ–अपन स्थानिय तह÷कार्यक्षेत्रमे जाके जिम्मेवारी सम्हर्ना अनुरोध कैगिल बा । साथे स्थानीय तहमे कार्यरत कर्मचारीके वृत्ति विकास सम्बन्धी विषयमे मुख्यमन्त्री प्रदेश कार्यालय सदैब सकारात्मक ओ गम्भिर रना प्रतिवद्धता समेत जाहेर करटु ।
