व्यवसायी राहुलसे बेहडा बाबा मन्दिरहे एकथान व्हीलचियर सहयोग
पहुरा समाचारदाता
धनगढी, ३ जेठ । समाजसेवी युवा व्यवसायी लाईफ केयर सर्जिकल सप्लायर्स धनगढी कैलालीके संचालक राहुल जोशी –दिल)से बेहडा बाबा मन्दिरहे एक थान व्हीलचियर सहयोग करले बटै ।
सुदूरपश्चिम प्रदेशके प्रसिद्ध धार्मिक स्थल धनगढी–१६ स्थित श्री बेहेडा बाबा मन्दिरमे यिहे जेठ २२ गतेसे लग्न धार्मिक गङगा दशहरा पुजामे अइना विशेष कैके शारिरीक अशक्त, अपाङ्गता हुइल ब्यक्ति, ज्येष्ठ नागरिक अन्य दीर्घ रोगसे ग्रसित श्रद्धालु भक्तजनहुकन सहजुल होए कहटी व्हीलचियर सहयोग करल हुइट ।
नेगे नैसेक्न ओ दुरसे दर्शन करे अइना ओ मन्दिरके गेटमे पुगलपाछे गाडीसे उटरके मन्दिरभिटर पुजा करे जाई केक्रो सहारा वा कोइ बोक्के भितर लैजा देहे पर्ना अवस्थाहे मध्यनजर करके उ अशक्त अपाङ्गता ओ ज्येष्ठ नागरिक श्रद्धालु भक्तजनहुकन्के सहजे मन्दिर दर्शन तथा पुजापाठमे सहज होए कहिके समाजसेवी युवा व्यवसायी लाईफ केयर सर्जिकल सप्लायर्स धनगढी कैलालीके संचालक जोशीसे उ व्हीलचियर सहयोग करल बटैलै ।
धनगढी उप–हानगरपालिका –१६ के वडा अध्यक्ष माईकल चौधरी ओ १०९ पटक रक्तदान करेसेकल वरिष्ठ समाजसेवी सुदूरपश्चिम प्रदेशके स्वास्थ्य दुत पत्रकार दीपक उपाध्याय नेपाल, अपाङ्गता अधिकारकर्मी नन्दराज भट्टलगायतके उपस्तिथिमे बेहेडा बाबा मन्दिर ब्यबस्थापन समितिके अध्यक्ष खेम चन्द हे १ थान व्हीलचियर हस्तान्तरण करलै ।
