प्लाष्टिकजन्य पदार्थ न्युनिकरणके लाग सरसफाई

पहुरा समाचारदाता
नेपालगञ्ज, ४ जेठ । कोहलपुरमे वृहत सरसफाई कार्यक्रम आयोजना कैगिल बा । कलेसे सरसफाई कार्यक्रमके सहभागीहुक्रे टिनामे मिठा जिरा, लागु पदार्थ सेवन करुइयाके मुहमे किरा कना नारा लगैले बटै । प्लाष्टिकजन्य पदार्थ न्युनिकरणके लाग आयोजना करल सरसफाई कैना क्रममे सहभागीहुक्रे अन्य पलाष्टिकसे स्यामबहार, सुर्ति, मेघाश्रीके प्याकेट, जेहोर टेहोर भेटल ओरसे सहभागीहुक्रे उ बाट बटाइल रहिट ।

साथे उ कार्यक्रममे सहभागी यमुना घिमिरे कहठी सरसफाई करी कनासेफे फोहोर नकरी कना अभियानके जरुरी विल्गाइठ ।
रेष्टलेस डेभलेपमेन्ट, क्रियसन नेपाल ओ युथ ईनोभेसनके सहयोग कोहलपुर नगरपालिकाके कार्यालय, कोहलपुर नगरपालिका वडा नम्बर ८ के सहकार्य तथा बास नेपालके आयोजनामे सरसफाई कार्यक्रम करल हो ।

प्लाष्टिक जन्य फोहोरमैला ब्यवस्थापन ओ जवाफदेहिता परियोजना अन्तर्गत प्लाष्टिकजन्य फोहोर न्युनिकरणके लाग सरसफाई अभियान कोहलपुरके झण्डहा चोकसे सडकके दाँया बाँया हुइटी पिपरी चौकसम पुगके समापन हुइल रहे ।
”प्लास्टिक फोहोरमुक्त कोहलपुर, हमार सक्कुहुनके साझा लक्ष्य” कना मुल नाराके साथ बास नेपालके स्वयंसेवकहुक्रे, कोहलपुर नगरपालिकाके वातावरण शाखाके पदाधिकारीहुक्रे, द एक्जाम गुरु एकेडेमीके विद्यार्थी भैया बहिनीयाहुक्रे, टमान सामुदायिक वन उपभोक्ता समिति ओ टमान स्थानीय नागरिक करके एक सय ढेरके सहभागिता रहल रहे ।

बास नेपालके वनसम्पर्क अधिकृत माधव कार्की प्लाष्टिक जन्य चक्रीय अर्थतन्त्र प्रवद्र्धन करी, प्लास्टिकके प्रयोग न्यूनीकरण करी, रिसाइकल कैना बानी बसालौं, एकल प्रयोगके प्लास्टिकके विकल्प रोजी, प्लाष्टिकजन्य फोहोर कम करीं, प्लाष्टिकजन्य फोहर नजराई, वायु स्वच्छ राखी लगायतके स्लोगन बाचन करके शुरुवात करल सरसफाई कार्यक्रमके उदघाटन कोहलपुर नगरपालिका वडा नम्बर ८ के वडा अध्यक्ष लालबहादुर राना ब्यानरमे लिखल बाट पह्रके शुरुवात करल रहिट ।

बास नेपालके केन्द्रीय महासचिव कल्पना अधिकारी सरसफाईमे सहभागीहुकनहे धन्यवाद डेटी सरसफाई कैना सक्कु जानेक दायित्व रहल ओरसे सक्कु क्षेत्रसे सरसफाई अभियानमे लग्ना अनुरोध करली । प्लाष्टिकके प्रयोगहे हम्रे आजुसे कम प्रयोग करी मानबिय जीवनमे पर्ना असरमे न्युनीकरण कैना लागि पर्ना बटैली ।

वडा नम्बर ८ के वडा अध्यक्ष लालबहादुर राना सरसफाई अभियानमे बास नेपालसे करल सहकार्यप्रति धन्यवाद डेटी सरसफाई सम्बन्धी सचेतनामुलक कार्यक्रम अइना दिनमे करेबेर वडासंग हातेमालो करटी जाइपर्ना बटैलै ।