बालविवाह ओ दुर्व्यसनी न्यूनीकरण अभिमुखीकरण

पहुरा समाचारदाता
धनगढी, ९ जेठ । गोदावरी नगरपालिका–१२ स्थित दुर्गा माध्यमिक विद्यालय, कोल्मुडा प्राङ्गणमे लागुऔषध दुर्व्यसनी तथा बालविवाह न्यूनीकरणमे केन्द्रित दुई दिने अभिमुखीकरण तालिम सुरु हुइल बा ।

तालिमके आयोजना अत्तरिया विकास मञ्च नेपालसे इलाका प्रहरी कार्यालय मालाखेतीके सहकार्यमे करल हो । तालिमके उदघाटन करटी गोदावरी नगर प्रमुख बिरेन्द्र भट्ट सामाजिक विकृति ओ विसंगति विरुद्ध सामूहिक प्रयासके आवश्यकता औँलयइटी कहलै, “लागुऔषध, मध्यपान ओ बालविवाह जैसिन समस्यासे हमार भविष्य निर्माण कैना पुस्ताहे संकटमे परटी रहल बा । विद्यार्थी तथा युवाहे यैसिन कुलतसे जोगैना हमार सामूहिक जिम्मेवारी हो ।”

नगरप्रमुख भट्ट गोदावरी नगरपालिका भिटर लागुऔषधके पहुँच बह्रनामे खुला सीमा तथा जनसंख्याके चाप प्रमुख कारण रहल उल्लेख करलै । “कैलालीके १३ पालिकासेफे गोदावरीमे सीमावर्ती क्षेत्र खुल्ला हुइल ओरसे दुव्र्यसनके जोखिम ढेर बा” उहाँ कहलै ।

कार्यक्रममे स्थानीय युवा, विद्यार्थी, अभिभावक, विद्यालयका प्रतिनिधि, शिक्षक तथा सामुदायिक अगुवाहुकनके उल्लेखनीय सहभागिता रहल रहे ।