कैलारी–६ मे हुइल वृहत निःशुल्क स्वास्थ्य शिविरमे ४४६ जाने सेवा लैलैं

पहुरा समाचारदातन
धनगढी, १० जेठ । कैलाली जिल्लाके कैलारी गाउँपालिका वडा नम्बर ६ वनकट्टामे हुइल वृहत निःशुल्क स्वास्थ्य शिविरमे ४४६ जाने टमान मेरिक सेवा लेले बटै ।

कैलारी गाउँपालिका ओ स्वास्तिक कार्डियो एण्ड मल्टीस्पेसियालिटी हस्पिटल प्रालि धनगढीके संयूक्त आयोजना तथा नवजीवन सेवा संघके साझेदारी सञ्चालित वृहत निःशुल्क स्वास्थ्य शिविरमे ४४६ जाने सेवा लेहल कैलारी गाउँपालिका स्वास्थ्य शाखा प्रमुख नरेशकुमार चौधरी जनैलै ।

स्वास्थ्य शिविरम हाडनसा सम्बन्धी २३९ जाने, सामान्य चिकित्सा सेवा १३६ जाने, नाक कान घाँटी सम्बन्धी २८ जाने, मृगौला सम्बन्धी २३ जाने, जनरल सर्जरी १२ जाने, स्त्रीरोग १९ जाने, भिडियो एक्सरे ४० जाने सेवा लेले बटै ।

कैलारी गाउँपालिका वडा नम्बर ६ के वडा अध्यक्ष प्रेमबहादुर चौधरीके प्रमुख आतिथ्यतामे हुइल कार्यक्रममे विशिष्ट पहुना स्वास्तिक कार्डियो एण्ड मल्टीस्पेसियालिटी हस्पिटल प्रालि धनगढीके अध्यक्ष दिपेन्द्र तिवारी रहल रहिट । कार्यक्रमके संचालन कैलारी गाउँपालिका स्वास्थ्य शाखा प्रमुख नरेशकुमार चौधरी करल रहिट ।

ओस्टेक करके वृहत निःशुल्क स्वास्थ्य शिविर अइना शनिच्चर कैलारी गाउँपालिका वडा नम्बर १ स्थित दिपेन्द्र माविके प्राङगणमे हुइना बा ।