प्रदेशस्तरीय होमस्टे महोत्सवके आयव्यय प्रस्तुत

पहुरा समाचारदाता
धनगढी, १० जेठ । थारु होमस्टे गाउँ भादामे आयोजित सुदूरपश्चिम प्रदेशस्तरीय होमस्टे महोत्सवके आयव्यय सुनागिल बावै ।

शनिच्चरके रोज पत्रकार सम्मेलन मार्फत थारु होमस्टे गाउँभादा पर्यटन विकास तथा व्यवस्थापन समितिके अध्यक्ष लक्ष्मी नारायण चौधरी आयव्यय सुनाइल हुइट । अध्यक्ष चौधरी १५ लाख ६१ हजार २६६ रुप्या बराबरके आयव्यय प्रस्तुत करल रहिट ।

उहाँ आयओर उद्योग पर्यटन तथा वातावरण मन्त्रालय प्रदेश पर्यटन विकास कार्यक्रम कार्यन्वयक इकाइसे १५ लाख, जेड. एसएल कञ्चनपुरसे ३० हजार, कृषि विकास वैंक धनगढीसे १० हजार डिभिजन वन कार्यालय कैलालीसे १० हजार ओ नेपाल पंछी संरक्षण संघ कैलालीसे १० हजार सहित १५ लाख ६० हजार आय सुनाइल रहिट ।

ओस्टके व्यय ओर मञ्च व्यवस्थापन ओर ३ लाख ४५ हजार ७८०, मायाको चिनो प्रमाणपत्र ८७ हजार ५३०, प्रचारप्रसार ३० हजार, सञ्चार खर्च ५० हजार, पत्रकार सम्मेलन १० हजार ८० रुप्या, सांस्कृतिक कार्यक्रम २ लाख २५ हजार, थारु हरुतकला प्रर्दशनी १५ हजार, कार्यक्रम सञ्चालक ७ हजार पाँचसय, व्यानर खर्च १६ हजार ९५० रुप्या प्रस्तुत करल रहिट । ओस्टके व्यय ओर चिया खर्च ६ हजार, खेलकुद ६ हजार, भिडियोग्राफी ३० हजार, बैठक व्यवस्थापन ७४ हजार, आवास खर्च ५ लाख ३० हजार, यातायात भर्मण ८२ हजार, समिक्षा बैठक २० हजा, विविध २५ हजार ४२६ रुपिया सहित १५ लाख ६१ हजार २६६ रुप्याके व्यय सुनाइल रहिट ।

महोत्सव धनगढी उपमहानगरपालिका वडा नम्बर १६, स्थित होमस्टे गाउँ भादामे गैल बैशाख १८, १९ ओ २० गते तीन दिनसम महोत्सव आयोजना हुइल रहे । प्रदेशके टमान जातजाति तथा समुदायमे सञ्चालित होमस्टेके बजारीकरण ओ व्यवसायीकरण कैना उद्देश्यसे महोत्सव आयोजना करगैल रहे । प्रदेशमे रहल टमान जातजाति तथा समुदायके परम्परा, संस्कार, संस्कृति, खानपान, भेषभुषा, शिपकला, प्राकृतिक सम्पदा, पर्यटकीय गन्तब्यके प्रचारप्रसार ओ प्रदशेक पहिचानहे होमस्टे पर्यटन व्यवसाय मार्फत राष्ट्रिय तथा अन्तराष्ट्रिय स्तरमे पुगाइक लाग महोत्सवके मुख्य उद्देश्य रहल रहे ।

थारु होमस्टे गाउँभादा पर्यटन विकास तथा व्यवस्थापन समितिके आयोजनामे हुइल महोत्सवके प्रवद्र्धकमे प्रदेश पर्यटन विकास कार्यक्रम कार्यान्वयन इकाई धनगढी ओ होमस्टे (घरबास) महासंघ नेपाल सुदूरपश्चिमके समन्वयमे हुइल हो ।

महोत्सवके आकर्षकमे हरेक दिन टमान जातजाति तथा समुदायके नाचगान, टमान समुदायके खानाके परिकार, शुक्लाफाँटा राष्ट्रिय निकुञ्जमे जंगल सफारी रहल रहे । ओस्टके खेलकूदमे श्लो साइकल रेस, गग्रीफोर, भलाद्मी दौड, पेनाल्टी सुटआउट, स्थानीय तथा राष्ट्रिय कलाकारके प्रस्तुति, थारु हस्तकलाके प्रदर्शनी रहल रहे ।