कैलारी गाउँपालिकासे दमकल खरिद
पहुरा |
१६ जेष्ठ २०८२, शुक्रबार
पहुरा समाचारदाता
हसुलिया,१६ जेठ । आगलागी जन्य विपद जोखिम न्यूनिकरण करेक लाग कैलारी गाउँपालिकासे दमकल खरिद करले बा ।
कैलारी गाउँपालिका बाढ डुबान कटान, पटानसंगे आगलागी विपदके उच्च जोखिममे रहल ओरसे ओकर न्यूनिकरणके लाग दमकल खरिद कैगिल गाउँपालिका अध्यक्ष राजसमझ चौधरी जनैलै ।
उहाँ कहलै ‘हम्रे चुनावी दौरानमे रहि, उहे बेला कैलाली गाउँपालिका वडा नम्बर ७ मे रहल विपतपुर बस्तीमे आगलागी हुइबेर भारी क्षति हुइल रहे । डेखडेख्टी बस्ती भुवामे परिणत हुइल रहे । गाउँपालिकामे दमकल रहट टे ओटरा क्षति नै हुइट ।’
गाउँपालिका अध्यक्ष कहलै, ‘चुनावी दौरानमे कहलेफे रहि, ओ पालिकामे एक ठो दमकलके माग ओ अवश्यकताके आधारमे दमकल खरिद करल हो ।
