कैलारीमे एक÷एक महिने बुटिक ओ ड्राइभिङ तालिम सम्पन्न

पहुरा समाचारदाता
हसुलिया, १६ जेठ । कैलारी गाउँपालिकामे एक÷एक महिने बुटिक ओ ड्राइभिङ तालिम सम्पन्न हुइल बा ।

कैलारी गाउँपालिकाके सहयोगमे सामाजिक विकास मञ्चके आयोजनामे एक÷एक महिने बुटिक ओ ड्राइभिङ तालिम हुइल हो ।सामाजिक विकास मञ्चके अध्यक्ष गणेशदेव पार्कीके अध्यक्षतामे हुइल तालिम समापन कार्यक्रम गाउँपालिका उपाध्यक्ष भगवतीकुमारी चौधरीके वरका पहुनामे हुइल रहे ।

कार्यक्रममे सम्बोधन करटी उहाँ वेरोजगार यूवा यूवतीहुकन स्थानीयस्तरमे रोजगारी सृजना कैना हमार लक्ष्य हो । यूवाहुकनहे सीपसे जोरसे आर्थिक रुपमे बल्गर बनाईक तालिमके आयोजना करल बटैली ।

यहाँके यूवा ठोर चे पैसाके लालचमे विदेश जैना करल बटै । यूवाके हाथेम सीप रहलेसे अपने गाउँठाउँमे रोजगारी कैके जीवनयापन करे सेक्ना गाउँपालिका उपाध्यक्ष बटैली ।

अब्बेक आवश्यकताके आधारमे महिलाहुकन आर्थिक रुपमे शसक्त बनाइक लाग बुटिक तालिम डेहल हो । बुटिकके माग ओ पैसाफे ढेर रहल ओरसे तालिमके सदुपयोग कैना उहाँ आग्रह करली ।

बुटिक तालिममे प्रशिक्षण कृष्णमति चौधरी डेहल रही । जेम्ने २१ जाने महिलाहुकनके सहभागिता रहे ।
ओस्टेक ड्राइभिङके तालिम मनोज चौधरी डेहल रहिट । ओम्ने १५ जाने तालिम लेहल रहिट ।

तालिम समापन कार्यक्रममे विशिष्ट पहुना कैलारी गाउँपालिकाके कार्यपालिका सदस्य लालबहादुर विक, मनिराम कुमाल, कैलारी गाउँपालिका दलित समन्वय समितिके अध्यक्ष प्रेम भुललगायत मन्तव्य राखल रहिट ।