थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ सावन २६४९, बुध ]
[ वि.सं २१ श्रावण २०८२, बुधबार ]
[ 06 Aug 2025, Wednesday ]

गौरीगंगा–१० हे बालमैत्री वडा घोषणके तयारी

पहुरा | १७ जेष्ठ २०८२, शनिबार
गौरीगंगा–१० हे बालमैत्री वडा घोषणके तयारी

घनश्याम पौडेल
मसुरिया, १७ जेठ ।
कैलालीके गौरीगंगा नगरपालिका वडा नम्बर १० हे बालमैत्री स्थानीय शासन प्रवद्र्धन वडा घोषण कैना तयारी करल बा ।

वडा नं १० हे बालमैत्री स्थानीय शासन प्रवद्र्धनके लाग सरोकारवालासे स्वीकृति पूर्व बालबालिकाके क्षेत्रमे समुदाय वडामे करल क्रियाकलापके अनुगमन करले बटै । जिल्ला समन्वय समिति कैलालीके उप प्रमुख खगराज भुसालके प्रमुख आतिथ्यतामे अनुगमन करल रहे ।

जिल्ला समन्वय उप प्रमुख भुसाल बालमैत्री स्थानीय शासन निरन्तरता ओ दिगोपना सुनिश्चितता कैना स्थानीय राजनीति नेतृत्व संघसंस्थाके समन्वयमे वडामे हाल मजा काम हुइल कहटी स्वीकृतिके चरणमे रहल ओरसे सक्कु जाने दिगोपनाके लाग मिलके राजनितीक दलसे उप्पर उठके काम करेपर्नामे जोर डेलै ।

बालमैत्री वडा घोषणा कैना अप्ठ्यारो नैहो सहजुलफे नैहो कहटी वडा अध्यक्ष नर सिहं सार्की गौरीगंगा नगरपालिकाके सक्कु वडा बालमैत्री हुइलेसे खुसी लग्ना बटैटी बिटल एक वर्षमे टमान चरणमे काम करल उल्लेख करटी खुला दिशा मुक्त सरसफाइ अभियान संचालनके जस्टे चुनौती हाल खुला दिशा मुक्त समाज हुइल बा ओस्टेक करके बाल मैत्री वडा निरन्तर हुइना बटैले बटै ।

गौरीगंगा नगर प्रमुख देवीदत्त कडेल, उप प्रमुख भोज बहादुर बम, जिल्ला समन्वय समिति कैलालीके निमित्त समन्वय अधिकारी ई.किशोर बिष्ट, गौरीगंगा शिक्षा शाखा उप सचिव हरिश पन्त, जिल्ला समन्वय समन्वय समिति कार्यालयके महिला बालबालिका सम्पर्क व्यक्ति विमल प्रकाश जोशी, जिल्ला शिक्षा समन्वय इकाईके पार्वती चौधरी, जिल्ला प्रशासन कार्यालयके शान्ति भट्ट, जिल्ला प्रहरी कार्यालय कैलालीके प्रहरी वरिष्ठ नायब निरिक्षक खेमराज पन्त, महिला बालबालिका शाखा गौरीगंगाके भावना जोशी, वल्र्ड भिजन इन्टरनेशनल नेपाल कैलाली जिल्ला संयोजक मंगल शाहसहित सरोकारवालासे वडाके अनुगमन करल रहिट ।

बालमैत्री स्थानीय शासन प्रवद्र्धनके लाग स्थानीय वडा तहमे करेपर्ना ५१ ठो सुचक अन्तर्गत सरस्वती माध्यमिक विद्यालय अनुगमन, खानेपानीके अवस्था, शौचालय ओ सोनीटरी प्याड डिस्पोजल, अपांगमैत्री सार्वजनिक सामुदायिक संरचना, बालमैत्री कक्षा, स्वास्थ्य चौकी, बालबालिका ओ बाल क्लबके प्रतिनिधिसँग छलफल ओ अभिभावकके भुमिका सम्बन्धमे छलफल करल रहे ।

बालमैत्री स्थानीय शासन प्रवद्र्धनमे वल्र्डभिजन इन्टरनेशनल नेपाल, बाल कल्याण संघ ओ गौरीगंगा नगरपालिका वडा नं १० से कार्य करटी रहल बटै ।

जनाअवजको टिप्पणीहरू