अनु चौधरीके स्वरमे रहल गीत ‘बाबुजी…’ सार्वजनिक
पहुरा समाचारदाता
काठमाडौं, १८ जेठ । अनु चौधरीके स्वरमे रहल गीत ‘बाबुजी…’ सार्वजनिक हुइल बा । उत्तम भण्डारीके शब्द एवं संगीत, बावुल गिरीके एरेञ्ज ओ बावुलके मिक्सिङ/माष्टरिङ रहल गीतके भिडियो सार्वजनिक हुइल हो ।
उत्तम श्रेष्ठ (शिशिर)के निर्देशन रहल गीतके भिडियोमे श्रीकृष्ण निरौला ओ आराध्यालक्ष्मी खड्गीहे फिचरिङ करल बा । विशाल थापा ओ टिमके सिनेमेटोग्राफी रहल भिडियोमे मीन रावलके दृश्य सम्पादन रहल बा ।
विशाल कैनीके कोरियोग्राफी रहल भिडियो ओएसआर डिजिटलमार्फत सार्वजनिक करल हो । डान्सिङ प्याट्रनके गीतके भिडियो उत्कृष्ट बनल बा ।
‘हमार सक्कु जनहनके मिहिनेतसे एकठो उत्कृष्ट गीतके भिडियो पस्कले बटी, प्रतिक्रियाके साथे साथ सपोर्टके अपेक्षा करटी’, गायिका चौधरी कहली । उहाँके ढेर गीत श्रोता/दर्शकके रोजाइमे पर्ना सफल हुइल बावै । आपन अन्य गीत जस्टे इहीसे फेन सबके साथ पैनामे आशावादी रहल गायिका चौधरी बटैली । थारु गीतमे जमल अनु ढेर नेपालीके साथे हिन्दी गीत फेन गासेकल बटी ।
अनु नेपाली चलचित्रमे फेन अभिनय करले बटी । उहाँ मह जोडी, धिरने शाक्य लगायतसँग अभिनय करल हुइटी । कोरियोग्राफरमे फेन कुशल अनु भर्खरे ‘आमा आज पनि रुन्छिन’मे अनुबन्धित हुइल बटी । उहाँ भर्खरे अवार्ड फेन पाइल रही । अनु निर्देशन ओ कोरियोग्राफमे वल्र्ड बुकअफ रेकर्ड फेन रख्ले बटी । उहाँ गीत प्लेनभित्रे विमोचन ओ प्यारागलाइडिङसे विश्व कीर्तिमान कायम करले बटी ।
