धनगढीमे जेठ २२ गते सार्वजनिक बिदा

पहुरा समाचारदाता
धनगढी, १९ जेठ । कैलालीके धनगढी उपमहानगरपालिकामे यिहे जेठ २२ गते सार्वजनिक बिदा डेहल बा ।
उपमहानगर एक सूचना जारी करटी गंगादशहरा पर्वके अवसरमे बिदा डेहल जनाइल बा ।

उपमहानगरपालिकाके कार्यपालिका बैठकसे करल निर्णय अनुसार २२ गते सार्वजनिक बिदा डेहल प्रमुख प्रशासकीय अधिकृत नरेन्द्रबहादुर खातीद्वारा हस्ताक्षरित सूचनामे उल्लेख बा ।

गंगादशहरामे धनगढी उपमहानगरपालिका–१६ रामपुरस्थित बेहडाबाबा मन्दिरमे मेला लग्टी आइल बा । बेहडाबाबा मेलामे नेपालसंगे भारतसे समेत भारी संख्यामे भक्तजन पुग्न करल बटै । जेठ २२ गते सक्कु सरकारी कार्यालय, शिक्षण संस्थालगायतमे बिदा हुइना सूचनामे उल्लेख बा ।