मानव अधिकार रक्षक अभिमुखीकरण कार्यक्रम
पहुरा समाचारदाता
धनगढी, २० जेठ । अनौपचारिक क्षेत्र सृवा केन्द्र (इन्सेक) सुदूरपश्चिम प्रदेश कार्यालय, धनगढीके आयोजना मानव अधिकार रक्षक अभिमुखिकरण कार्यक्रम धनगढीमे सम्पन्न हुइल बा ।
इन्सेक सुदूरपश्चिम प्रदेश संयोजक खडकराज जोशी नागरिकके न्यायके पक्षमे काम करेबेर, मानव अधिकारके संरक्षणके लाग वकालत पैरवी करेबेर मानव अधिकार रक्षकहुकनहे टमान जोखिम, चुनौती ओ समस्या अइटी रहल ओरसे ओसिन जोखिमके समना कैना मानव अधिकार रक्षकहुक्रे सजग हुइना आवश्यक रहल ओ अग्रस्थानमे रहिके काम कैना मानव अधिकार रक्षकसे भोगे परल जोखिमके बारेमे बटैलै ।
राष्ट्रिय मानव अधिकार आयोगके सहसचिव झंकर रावल मानव अधिकार रक्षकके परिभाषा, अधिकार क्षेत्र ओ दायित्व, मानव अधिकार रक्षक निर्देशिका, मानव अधिकार रक्षकके विषेशता, भूमिका ओ मानव अधिकार रक्षकसे उठान करेपर्ना सवाल, मानव अधिकारके अनुगमन ओ तथ्य संकलनके बारेमे छलफल करल रहिट ।
एडभोकेसी फोरमके संयोजक पुष्पविक्रम शाही मानव अधिकार रक्षकके लाग राष्ट्रिय तथा अनतराष्ट्रिय सुरक्षा ढाँचा ओ कानूनी व्यवस्थाके बारेमे छलफल करैलै ।
महिला मानव अधिकार रक्षक अभियन्ता चित्रा पनेरु महिला मानव अधिकार रक्षकके अधिकार, लैङ्गिक समानता ओ परिवर्तित समाजके विषलेषण बारेमे छलफल करैलै ।
इन्सेक सुदूरपश्चिम प्रदेश प्रलेख अधिकृत कृष्णबहादुर विश्वकर्मा वातावरण ओ मानव विकास, वातावणीय प्रभावके वर्तमान अवसथा, वातावरणीय सवाल, वातावरण प्रदुषणका कारण संवैधानिक ओ कानूनी व्यवस्था, वातावणीय मानव अधिकारके विषय, व्यवसाय ओ मानव अधिकार, व्यवसाय ओ मानव अधिकार सम्बन्धी संयुक्त राष्ट्रसंघिय मार्गदर्शन, सिद्धान्तके मान्यताके बारेमे जानकारी करैलै ।
दुई दिनसम चलल उ कार्यक्रम टमान जिल्लामे मानव अधिकार रक्षकके सहभागीता रहल रहे । इन्सेक सुदूरपश्चिम प्रदेश संयोजक खडकराज जोशी, राष्ट्रिय मानव अधिकार आयोगके सहसचिव झंकर रावल, एडभोकेसी फोरमके संयोजक पुष्पविक्रम शाही, महिला मानव अधिकार रक्षक अभियान्ता चित्रा पनेरु इन्सेक सुदूरपश्चिम प्रदेश प्रलेख अधिकृत कृष्णबहादुर विश्वकर्मा सहजीकरण करल रहिट ।
