कैलारीमे गंगादशहराके अवसरमे २२ गते स्थानीय विदा

पहुरा समाचारदाता
धनगढी, २१ जेठ । कैलारी गाउँपालिकासे गंगा दशहराके अवसरमे विफेक रोज (२२ गते) स्थानीय विदा डेगिल बा ।

गाउँपालिकासे बुधके रोज सार्वजनिक सूचना जारी करटी हरेक बर्ष जेठ महिनाके शुक्लपक्ष दशमी तिथिके दिन मनैना गंगा दशहरा हमार ठाउँके ऐतिहासिक वा धार्मिक पर्वके रुपमे विशेष आस्था ओ महत्वके साथ मनैटी रहल ओरसे जेठ २२ गते (विफेक रोज) एक दिन सार्वजनिक विदा डेहल हो ।

विफेक रोज गाउँपालिका, वडा कार्यालय, स्वास्थ्य संस्था, विद्यालय, बैक तथा वित्तीय संस्थामे सार्वजनिक विदा डेहल निमित्त प्रमुख प्रशासकीय अधिकृत गणेश प्रसाद मिश्रसे हस्ताक्षरित सूचनामार्फत जानकारी डेहल बा ।