समुदाय विपद व्यवस्थापन समितिहे विपद जोखिम न्यूनिकरण सामाग्री हस्तान्तरण
पहुरा समाचारदाता
हसुलिया, २८ जेठ । कैलाली जिल्लाके कैलारी गाउँपालिका स्थित ६ ठो समुदाय विपद व्यवस्थापन समितिहुकनहे खोज तथा उद्धार ओ प्राथमिक उपचार सेट सामाग्री हस्तान्तरण कैगिल बा ।
समुदाय सशक्तीकरण तथा विकासका लागि स्थानीय पहल परियोजना अन्र्तगत मुक्त कमैया महिला विकास मञ्च धनगढीके आयोजनामे कैलारी गाउँपालिकाके समन्वयमे अष्टे«लियन एड, अष्ट्रेलियन लुथरनके आर्थिक तथा प्राविधिक सहयोगमे कैलारी गाउँपालिकाके उपाध्यक्ष भगवतीकुमारी चौधरी उ सामाग्री हस्तान्तरण करल रहिट ।
कैलारीके बाढ विपदके जोखिम रहल कैलारी–३ के शिवरत्नपुर, मोहनपुर, वडा नम्बर ५ के सपना मुक्तकमैया बस्ती, बन्दरगौरही, पुरान मन्कापुर ओ वडा नम्बर ८ के खैरी गाउँमे गठन हुइल समुदाय विपद व्यवस्थापन समितिहे खोज तथा उद्धार ओ प्राथमिक उपचार सेट सामाग्री हस्तान्तरण कैगिल हो । उ सामाग्रीहे टर्च २ ठो, रेन्कोट ३ सेट, लाइफज्याकेट ३ सेट, डोरी करके १ लाख ५० हजार बराबरके ६ ठो समितिहे सामागी्र हस्तान्तरण करल समुदाय सशक्तीकरण तथा विकासका लागि स्थानीय पहल परियोजना चेतमान साउद बटैलै । ओस्टेक करके उ समु्दायहे विपद जोखिम न्यूनिकरणके लाग तयार पारल योजनाफे हस्तान्तरण कैगिल बा ।
कार्यक्रममे सम्बोधन करटी गाउँपालिका उपाध्यक्ष भगवतीकुमारी चौधरी बर्षाके समय आइलागलपाछे विपद जोखिम न्यूनिकरणके लाग तयारी अवस्थामे रना आग्रह करली । उहाँ कहली, विपदके बेलासबसे ढेर जोखिम महिला, बालबालिका, अपाङता रहल व्यक्ति तथा जेष्ठ नागरिक हुइना ओरसे समितिसे चनाखो हुके बैठना उ आग्रह करली । गाउँपालिकाके कौनोफे वडा डुबानमे पर्ना कना गाउँपालिकाके पीडा हो । आपन गाउँबस्ती जोगैना गाउँपालिकाके दायित्व हो । मोहना, घुरहा ओ कटैनी लडियाके कारण दक्षिणी क्षेत्र ढेर डुबानमे रहठ ।
विपद व्यवस्थापन समिति शिवरत्नपुरके सचिव कमल चौधरी शिवरत्नपुर बाढके अतिजोखिममे रहल बटैलै । उहाँ कहलै, बाढ आइलपाछे बस्ती कहाँ जैना कौनो विकल्प नैरहठ । उत्तर, पश्चिम, पूर्व ओ मोहना लडिया, दक्षिणओ भारत कहाँ जैना कहु ठाउँ नैरहठ । छोटमोट बनल उच्च घरमे सक्कु जहनके व्यवस्था करे सेक्ना अवस्था नैहो ।
स्थानीय सरकार ओ संघसंस्थासे मिल्के लबरके नाउँके व्यवस्था कैडेले भागे सेक्ना उहाँ बटैलै । विपद व्यवस्थापन समितिके उषा चौधरी बाढके जोखिम न्यूनिकरणके लाग खोज तथा उद्धार ओ प्राथमिक उपचार सेट सामाग्री हस्तान्तरण करके सहयोगमे करलमे धन्यवाद डेलि ।
मुक्त कमैया महिला विकास मञ्च धनगढीके खरिद समितिके संयोजक तथा संस्थाके कोषाध्यक्ष माया चौधरीके अध्यक्षतामे हुइल कार्यक्रममे सहजीकरण समुदाय सशक्तीकरण तथा विकासका लागि स्थानीय पहल परियोजना संयोजक चेतमान साउद करल रहिट ।
