एकल महिलाहुकनहे तीन दिने तरकारी खेती तालिम

पहुरा समाचारदाता
धनगढी, २९ जेठ । एकल महिलाहुकनके लाग आय आर्जन कार्यक्रम अन्तर्गत तीन दिने तरकारी खेती धनगढीमे सुरु हुइल बा ।

मानव अधिकारका लागि महिला एकल महिला समुह सुदूरपश्चिम प्रदेशके आयोजना तथा धनगढी उमपहानगरपालिका वडा नम्बर २ के सहयोगमे तालिम हुई लागल हो । तालिम उदघाटन मानव अधिकारका लागि महिला एकल महिला समुहके जिल्ला अध्यक्ष भगवती हमालके अध्यक्षतामे हुइल कार्यक्रममे वडा अध्यक्ष धर्मराज ओझा प्रमुख रहल रहिट । कार्यक्रममे सम्बोधन करटी उहाँ एकल महिलाहुकनहे आर्थिक आयआर्जनसँग जोरेक लाग वडा कार्यालयसे बजेट विनियोजन करल बटैलै । उहाँ महिला तथा यूवाहुकनहे सीपमुलक तालिमसँग जोडना जरुरी रहल बटैटी अइना दिनमे सहयोग कैना तयार रहल प्रतिवद्धता जनैलै ।

कार्यक्रममे कार्यपालिका सदस्य चक्र बहादुर नेपाली महिलाहुकनहे आर्थिक रुपमे बल्गर बनैना ृयी तालिम महत्वपूर्ण रहल बटैलै । विगतके दिनमे उपमहानगरपालिकाके ओरसे एकल महिलाहुकनहे सहयोग करटी आइल बटैटी गैल बर्ष धनगढी–१४ समेट बजेट विनियोजन करल बटैलै ।

द्वन्दकालमे ढेर महिला एकल हुई परल ओ एकल महिलाके पीडा पुरुषसे बुझे नैसेक्ना बटैटी महिलनहे सहयोग केल्ह करेसेक्ना बटैलै ।

वडा सदस्य केशव पन्त एकल महिलाहुक्रे तरकारी खेतीमे मजा करटी रहल ओरसे यी बर्ष तालिमके लाग बजेट विनियोजन करल बटैलै । वडा सदस्य विन्द्रा बम तरकारी खेतीसे घरपरिवारसे अपनहीफे उपभोग कैना ओ विक्री करके आयआर्जन करे सेक्ना बटैलै ।

मानव अधिकारका लागि महिला एकल महिला समुहके सल्लाहकार गोमा आचार्य एकल महिलाहुक्रे आर्थिक रुपमे कम्जोर हुके मनोवल घटटी रहल ओरसे ओइनहे आत्मनिर्भर बनैना सीपमुलक आयमुलक तालिमसंग जोरना जरुरी रहल बटैली । धनगढी खुला सीमासंग जोरल ओरसे तरकारी खेती कैना चुनौती ओ अवसर दुनु रहल बटैली ।

तालिम उदघाटन कार्यक्रमके संचालन गोविन्द भण्डारी ओ स्वागत मन्तव्य मानव अधिकारका लागि महिला एकल महिला समुहके संस्थापक कोषाध्यक्ष मीना भण्डारी करल रहिट । कार्यक्रममे मानव अधिकारका लागि महिला एकल महिला समुहके प्रदेश कार्यक्रम संयोजक वेद अवस्थी, वडा सदस्यहरु, वडा सचिव, विभिन्न संघ संस्थाको प्रतिनिधिहरुको सहभागिता रहेको थियो ।

तालिममे हेमराज भट्ट ओ करुणा चन्द प्रशिक्षण डेटी रहल बटै । तालिमके पहिल दिन प्रशिक्षक हेमराज भट्ट तरकारीके नर्सरी, एकिकृत शत्रुजीव व्यवस्थापन आइ.पि.एम. बारे जानकारी डेहल रहिट ।

प्रशिक्षक करुणा चन्द तरकारीके नर्सरीबारे जानकारी डेटी सामान्य जानकारी पोलि व्याग भरेबेर करेपर्ना कार्य ओ वेर्ना उत्पादन जानकारी कराइल रहिट । नर्सरी वेर्ना उत्पादन कैनाके फाइदा, नर्सरी व्याड रख्ने प्राविधि, खुल्ला नर्सरी व्याड, व्याडके तयारी, विउ लगैना तरिका, मल छिटना तरिकाबारे जानकारी करैले रहिट । ओस्टेक उहाँ टमाटर खेतीबारे जानकारी डेहल रहिट ।