जानकीमे २८ जनहनमे सिकलसेल ट्रेट डेखा परल

पहुरा समाचारदाता
धनगढी, १० असार । कैलालीके जानकी गाउँपालिकामे सिकलसेल एनिमिया तथा थालसेमिया पहिचान ओ निदानके लाग १ दिने निशुल्क शिबिरमे २८ जनहनमे सिकलसेल ट्रेड डेखा परल बा ।

दुर्गौली स्वास्थ्य चौकीमे जानकी गाउँपालिकाके समन्वय तथा स्वास्थ्य कार्यालय धनगढी कैलालीके आयोजनामे हुइल सिकलसेल एनिमिया तथा थालसेमिया पहिचान ओ निदानके लाग १ दिने निशुल्क शिविरमे जम्मा १२७ जानेक सिकलसेल स्क्रिनिंग करल स्वास्थ्य शाखाके प्रमुख जीतबहादुर चौधरी बटैलै ।

परिक्षण करल मन्से २८ जाने (१४ महिला, १४ पुरुष) करके २२.०४% हे सिकलसेल ट्रेट डेखल उहाँ बटैलै ।