एक महिने लेहंगा सिल्ना तालिम सम्पन्न

पहुरा समाचारदाता
धनगढी, १५ असार । कैलाली जिल्लाके कैलारी गाउँपालिका वडा नम्बर ५ मे एक महिने लेंहगा सिल्ना तालिम सम्पन्न हुइल बा ।

कैलारी गाउँपालिकाके समन्वयमे सुदूरपश्चिम प्रदेश सरकार सामाजिक विकास मन्त्रालय शिक्षा निर्देशनालय सामाजिक विकास कार्यालय कैलालीके आयोजनामे ३० दिने आधारभूत तहके लेहेंगा सिल्ना तालिम हुइल हो ।

तालिम समापन कार्यक्रम सुदूरपश्चिम प्रदेशके माननीय घनश्याम चौधरीके प्रमुख अतिथ्यता ओ कैलारी गाउँपालिकाके उपाध्यक्ष भगवती कुमारी चौधरीके विशिष्ट अतिथि रहल रहिट ।

तालिम समापन कार्यक्रममे वडा नम्बर ५ के वडाध्यक्ष विष्णु प्रसाद चौधरी, समाजिक विकास कार्यालयके प्रमुख कुलराज सोती, सामाजिक विकास कार्यालय कैलालीके महिला विकास अधिकृत प्रतिभा श्रेष्ठ, कैलारी गाउँपालिका महिला तथा बालबालिका शाखाके प्रमुख बालकुमारी चौधरीलगागतके सहभागिता रहे ।

थारु महिला सीप पुस्तान्तरणके सुरु हुइल एक महिने लेहंङगा सिल्ना तालिममे धनिता चौधरी प्रशिक्षण डेहल रही । तालिममे सक्कु वडाके समेटके २० जाने महिलाहुकनके सहभागिता रहे ।