कैलारीमे सामुदायिक विद्यालयके १० प्रतिशत, संस्थागत विद्यालयके ४५ प्रतिशत नतिजा, एक विद्यालय निल
पहुरा समाचारदाता
धनगढी, १५ असार । कैलाली जिल्लाके कैलारी गाउँपालिका भिटर रहल सामुदायिक विद्यालयमे कुल सहभागी मन्से १० प्रतिशत ओ संस्थागत विद्यालयके नतिजा ४५ प्रतिशत विद्यार्थी उत्तीर्ण हुइल बटै ।
कैलारी गाउँपालिका शिक्षा शाखासे डेहल तथ्यांक अनुसार गैल शुकके रोज प्रकाशित हुइल शैक्षिक शत्र २०८१ के माध्यमिक शिक्षा परीक्षा एसइईके नतिजामे सामुदायिक विद्यालयमे कुल सहभागी मन्से १० प्रतिशत ओ संस्थागत विद्यालयके नतिजा ४५ प्रतिशत विद्यार्थी उत्तीर्ण हुइल बटै । शैक्षिक शत्र २०८१ के माध्यमिक शिक्षा परीक्षा एसइईमे सामुदायिक विद्यालयसे कुल ४०३ जाने सहभागी हुइलमे ४१ जाने १० प्रतिशत केल्ह उत्तीर्ण हुइल बटै ।
ओस्टेक करके शैक्षिक शत्र २०८१ के माध्यमिक शिक्षा परीक्षा एसइईमे संस्थागत विद्यालयसे ६७ जाने सहभागी हुइलमे ३० जाने ४५ प्रतिशत विद्यार्थी उत्तीर्ण हुइल बटै ।
कैलारीके ९ ठो सामुदायिक विद्यालय शैक्षिक शत्र २०८१ के माध्यमिक शिक्षा परीक्षा एसइईमे सहभागी मन्से १ ठो विद्यालयके नतिजा शुन्य आइल बा । नतिजा शुन्य हुइल विद्यालय कैलारी गाउँपालिका वडा नम्बर ७ स्थित राष्ट्रिय मावि भुइयाफाँटा रहल बा । उ विद्यालयके नतिजा गैल गैल बर्षफे शुन्य डेखल रहे । यहाँ २४ जाने मन्से कोईफे उत्तीर्ण हुइ नैसेकल हो ।
सामुदायिक विद्यालय मन्से दिपेन्द्र मावि हसुलियामे ५२ मन्से १६ जाने ३१ प्रतिश उत्तीर्ण, राष्ट्रिय मावि विचैपुरमे ८१ मन्से ८ जाने १० प्रतिशत, जनकल्याण मावि पवेरामे ५६ मन्से १ जाने २ प्रतिशत उत्तीर्ण, जनकल्याण मावि के गाउँमे ३४ मन्से १ जाने ३ प्रतिशत उत्तीर्ण, सरस्वती मावि खरुवाखेरामे ३८ मन्से २ जाने ५ प्रतिशत उत्तीर्ण, जानकी मावि वनकट्टा २५ मन्से ३ जाने १२ प्रतिशत उत्तीर्ण, लक्ष्मी मावि पुथ्वीपुरमे ४३ जाने मन्से ४जाने ९ प्रतिशत, जनता मावि गदरियामे ५० मन्से ६ जाने १२ प्रतिशत उत्तीर्ण हुइल बटै ।
ओस्टेक कैलारीसे शैक्षिक शत्र २०८१ के माध्यमिक शिक्षा परीक्षा एसइईमे सस्थागत विद्यालय मन्से सहभागी ४ विद्यालय सहभागी हुइल रहे ।
बोण्ड इंगलिस बोर्डिङ स्कूलसे १३ जाने विद्यार्थी परिक्षामे सहभागी हुइलमे १० जाने ७७ प्रतिश उत्तीर्ण हुइल बटै । ब्राइटस्टर इगलिस बोडिङमे २७ जाने मन्से ७ जाने २६ प्रतिशत उत्तीर्ण, कालिका इंगलिस बोडिङसे ९ जाने मन्से ७ जाने ७८ प्रतिशत उत्तीर्ण हुइल बटै । कलेसे नागेश पशुपति शिक्षा मन्दिरमे १८ मन्से ६ जाने ३३ प्रतिशत उत्तीर्ण हुइल बटै ।
