महिलाहुकन आर्थिक रुपमे सशक्त बनाई पर्ना जोड

पहुरा समाचारदाता
धनगढी, १६ असार । कोभिड–१९ पछि महिलाहरूको दिगो जीविकोपार्जनमा पहुँच वृद्घि, आर्थिक पुनःस्थापना र उत्थानशील परियोजना अन्र्तगत सम्पन्न करल क्रियाकलाप यूएन एजेन्सी ओ स्थानीय सरोकारवाला निकायसंंग बैठक कैगिल बा ।

मानव अधिकारका लागि महिला एकल महिला समुह, सभा नेपालके संयुक्त आयोजना तथा यूएन वुमनके सहकार्यमे परियोजनासे कैगिल क्रियाकलापबारे अन्तरक्रिया कैगिल हो । कार्यक्रममे सभा नेपालके कोभिड–१९ पछि महिलाहरूको दिगो जीविकोपार्जनमा पहुँच वृद्घि, आर्थिक पुनःस्थापना र उत्थानशील परियोजना संयोजक दलबहादुर ओली परियोजनासे कैगिल क्रियाकलापबारे जानकारी डेहल रहिट ।

यी परियोजनाके मुख्य उद्देश्य कोभिड–१९ पाछे महिलाहु्कनके दिगो जीविकोपार्जनमे पहुँच वृद्घि, आर्थिक पुनःस्थापना ओ उत्थानशीलमे सहयोग करटी समाजमे रहल भेदभावपूर्ण मूल्य मान्यताहे सम्वोधन करटी, महिलाके क्षमता अभिबृद्धि करके आर्थिक रुपमे सबल बनैना रहल बा । यी कार्यक्रमसे महिलाहे आर्थिक रुपमे शसक्त बनाके आत्मनिर्भर बनैना तथा ओइनके उद्यमशिलता क्षमताहे अभिबृद्धि कैना लक्ष्य लेहल उहाँ बटैलै ।

उपलब्ध स्रोत ओ सीपके प्रयोग करके थप नयाँ अवसरके सिर्जना करटी उत्पादन मुल्य श्रृखंलामे महिलाके भूमिकाहे शसक्त बनैना, महिलाहुकनके आर्थिक गतिविधिमे केन्द्रित निर्णय प्रकृयामे सार्थक सहभागिताके लाग घर, समुदाय ओ संस्थामे नेतृत्व क्षमता विकास कैना सहयोग कैना, सामाजिक मूल्य मान्यताहे ध्यानमे धारके महिलाहुक्रे घरपरिवारके आम्दानी खर्चमे लेना निर्णय क्षमतामे अभिवृद्धि कैना सहयोग कैना, अपन ब्यवसायके सक्कु पक्षहे कुशलतापूर्वक ब्यवस्थापन करे सेक्ना सक्षम बनैना नयाँ सीप तथा प्रविधिके प्रयोगमे जोड डेना, जलवायू परिवर्तन ओ प्राकृतिक प्रकोप प्रभावहे कम करके जिविकोपार्जनके नयाँ अवसरके सिर्जना करके जीवनस्तरमे सुधार कैना सहयोग कैना परियोजनासे लक्ष्य लेहल संयोजक ओली बटैलै ।

परियोजनासे संचालनपाछे परियोजनाके सहभागीहुक्रे लैङ्गिक समानता ओ सामाजिक मान्यताके बारेमे ज्ञान ओ क्षमता बढैले बटै । सहभागीहुक्रे व्यावसायिक ओ प्राविधिक सीप बह्रल, सहभागीहुक्रे दिगो व्यवसाय सुरु÷पुनर्जीवित करल, विश्वास ओ टोली सदस्यहुकने अद्वितीय शक्तिके उपयोगमे रणनीति निर्माण कैना सीप बह्रल, नियमित परामर्श ओ परामर्शसे महिलाके व्यक्तिगत ओ सामूहिक उद्यमहे बल्गर बनैना करल बा । लैङ्गिक उत्तरदायी बजार प्रणालीके बारेमे बजार अभिनेताहुक्रे, विक्रेता बीच बह्रटी जागरूकता, सहभागीहुकनके बजारमे पहुँच बह्रल बा ।

ओस्टेक करके लैङ्गिक उत्तरदायी वित्तीय सेवामे सम्बन्धित अभिनेताहुकनके जागरूकता बह्रल बा । सहभागीहुक्रे डिजिटल साक्षरता ओ डिजिटल÷ई–कमर्स प्लेटफर्म प्रयोग कैना क्षमता बह्रैले बटै ।

लैङ्गिक रूपमे आधारित हानिकारक सामाजिक मान्यता ओ अभ्यास विरुद्ध समुदायमे विकास ओ परिचालन करल सामुदायिक प्रशिक्षकके समूह, सहभागीहुक्रे अपन पहिचान ओ अधिकारके वकालत कैना नेतृत्व कौशल बह्रले बटै । स्थानीय सरकारके समकक्षी महिला घरेलु कामदारके मुद्दामे सचेत, सहभागीहुकनके क्षेत्रीय सञ्जालसंग अन्तर–सिकाइ अवसर ओ उत्कृष्ट अभ्यास साझा करेक लाग सम्बन्ध बनल परियोजना संयोजक ओली बटैलै ।

परियोजनासे महिला उद्यमीहुकनके लाग लैङगिक मुल्य ओ सामाजिक समावेशी करण सम्बन्धी २ दिने तालिम, १५ दिने बजार मागमा आधारित वस्तु उत्पादन व्यवसायीक सिप तालिम (बेमौसमी तरकारी खेती, अचार उत्पादन तथा बजारीकरण ओ बेम्टी खेती, मसला प्रशोधन, एडभान्स सिलाई), ३ दिने लैङगिक मुल्य मान्यता ओ जोखिमपूर्ण अभ्यास सम्बन्धी प्रशिक्षक प्रशिक्षण, १ दिने लैङगिक मुल्य मान्यता ओ जोखिमपूर्ण अभ्यास सम्बन्धी अभिमुखीकरण तालिम, ३ दिने नेतृत्व, संस्थागत विकास ओ संजाल निर्माण सम्बन्धी प्रशिक्षक प्रशिक्षण, १ दिने नेतृत्व, संस्थागत विकास ओ संजाल निर्माण सम्बन्धी पूर्नताजगी तालिम, १ दिने सामाजिक मुल्य मान्यता ओ जोखिमपूर्ण अभ्यास सम्बन्धी सामुदायिक वकालत कार्यक्रम, व्यवसाय विस्तारके लाग सहयोग ओ प्रविधि सहयोग (कृषि सामाग्री), लैङिगक उत्तरदायी बजार प्रणाली सम्बन्धी अन्तरकृया, डिजिटल साक्षरता तथा इ−कमर्स सम्वन्धी दुई दिने तालिम, २ दिने वित्तिय साक्षतरता सम्बन्धी तालिम, वित्तीय संस्थासंग अन्तरक्रिया कार्यक्रम, गृहश्रमीक महिलाहुकनके नेतृत्व क्षमता विकास, बजारीकरण कार्यक्रम कैगिल बा ।

यी परियोजनामे धनगढी उपमहानगरपालिकाके ७७ जाने, गोदावरी नगरपालिकासे ४८ जानेक करके १२५ जाने सहभागी रहल बटैलै ।

यूएन एजेन्सी ओ स्थानीय सरोकारवाला निकायसंंगके बैठकमे राष्ट्रिय मानव अधिकार आयोग सुदूरपश्चिम प्रदेश सहसचिव झकर बहादुर रावल महिलाहुकनके सीप ओ आर्थिक पाटोसे जोरेक लाग क्षमता अभिवृद्धि कैनामे जोर डेलै । महिलाहुक्रे भारी भारी काम करे सेक्ना ओरसे आवश्यकताके आधार आधारभूत तालिम डेहे पर्ना बटैलै ।

यूएन वु्मनके प्रदेश संयोजक प्रतिभा चौधरी महिलाहुकनके आघे बह्रइक लाग आर्थिक सशक्तीकरणमे जोर डेली । अभिनसम कटरा महिला तालिम लेसेकल ओ तालिम पश्चात सुरु करल उद्यमके अवस्थाके तथ्यांक रख्ना जरुरी रहल उहाँ बटैली । धनगढी उपमहानगरपालिकाके कार्यपालिका सदस्य चक्र नेपाली धनगढीमे बाहेरसे उत्पादन हुइल सामानके कारण यहाँके उद्यमी मारमे परल बटैलै । महिला उद्यमीहुकनके प्रोत्साहनके लाग नीति बनाके जाई आवश्यक रहल बटैलै ।

मानव अधिकारका लागि महिला एकल महिला समुहके कार्यक्रम प्रदेश संयोजक वेद अवस्थी एकल महिला, द्वन्दपीडित, एचआइभी महिलाहुकन आर्थिक रुपमे बल्गर बनाइक लाग कार्यक्रम संचालन करल बटैली ।

कार्यक्रममे फाया नेपालके अध्यक्ष गोमा आचार्य महिलाहुकनके आघे बह्राइक लाग औद्योगिक नीति ल्याने पर्नामे जोर डेली । प्रदेश सरकारसे छोट उद्योगमे लगानी कैना योजना रहल ओरसे महिलासे संचालन उद्योगहे आव सहज हुइना बटैली । कार्यक्रममे सेवक नेपालके अध्यक्ष पवन भण्डारी, दलित महिला अधिकार मञ्चके सृजना पराजुली, निडस नेपालके विनोद कडारा, फेडा अध्यक्ष सविना सुनार, पत्रकार उन्नती चौधरी, कैलाली उद्योग बाणिज्य संघके सदस्य कमला भट्टराईलगायत आपन बाट राखल रहिट । कार्यक्रम मानव अधिकारका लागि महिला एकल महिला समुहके जिल्ला अध्यक्ष भगवती हमालके अध्यक्षतामे हुइल रहे ।